Accueil Tamazight Times tefka tiyita i tẓegwa

Times tefka tiyita i tẓegwa

1621
- PUBLICITÉ -

Anerni n tusniwin n lḥamu deg wagur-agi n yunyu d win yellan deffir n tmes yekren deg waṭas n tmenaḍin n tmurt. Zyada ɣef tyita ččan-t tẓegwa, iɣamacen d-yersen ɣef lwilayat n tmurt d wid iḍuṛṛen s waṭas tazmert n yemdanen, ladɣa arrac imecṭaḥ, imɣaṛen d imuḍan yesɛan ddiqa lak d lehlakat n lebda. Deg wussan yezrin, illa melmi tettezgal lḥamu, s waṭas taṣeddart n 40°c deg tili. Ayen yeǧan i tmes ad taf iman-is deg leɣwabi, tid terra d iɣden. Deg lwilaya n Tugirett, tekker tmes deg tɣiwanin n Haïzer, El Esnam, Lakhdaria, Aïn Bessem, Tagdit lak Bouderbala. Ayen d-isegran s tmerɣiwt n wazal n 8 ha n tẓegwa, iṛeqyab d waṭas n tzemrin d tneqlin. Ayen yeǧǧan tusniwin n lḥamu ad alin-t ar almi d 50°c. Di tama n Bgayet, ɛeddan 30 n imekwan anda tendeh tmes. Tiɣiwanin teča tyita d tigi : Beni K’sila, Adekkar, Amizour, Sidi Aïch. Dagi, azal n 20ha uɣalen d iɣden. Tizi Wezzu, ula d nettat, ur teslik ara i yɣamacen d tmes. Aṭas imekwan anda tendeh lɛafya yeglan s uzeyzaw d uquṛan. D luluf n tzemrin i yḥedqen mebla ma nebder-ed isekla nniḍen d iṛeqyab n usaɣuṛ d leɣwabi. Di ddurt yezrin kan, azal n 130 ha i teča tmes, mebla manebder-ed tixeṣṣaṛin n ledwaṛ uqbel.

- PUBLICITÉ -

Zenia Thiziri

- PUBLICITÉ -