Wiẓran, d yiwwet n taddart id yezgan deg tɣiwant n At Ṛẓin, deg lwilaya n Bgayet. Taddart-agi, am tuddar n tama-agi, txuṣ deg waṭaṣ n lecɣal. Maca imezdaɣ mači d wid iberrun i yiɣallen nsen. Xedmen ayen iwumi zemren iwakken ad qablen iɣublan. Ɣas akken tudert dinna tuɛar, maca Iwiẓraniyen ssasayen-d aɣrum nsen s ljehd n yiɣalen lakked d ttidi yettcercuren. Mazal-iten xedemen akal, am zik nni. Ttrebin ulli, ẓẓaḍen ibernusen lakked d yiḥemblen. Laɛwayed tiqburin ur ɛad xsin-t dinna, acku mazal-iten ṭfen dgsen-t ɣas akken d tatrart i yettmagaren timetti. Taddart-agi ḥlawit, « ẓiḍet » aṭaṣ, imi tella d yiwet n taddart tanaṣlit. Deg iseggasen n rebrab, aṭaṣ n twaculin irewlen ɣef taddart, imi inselmen ičumar ttgallan degsen. Asmi « yekfa » rebrab, aṭaṣ n twaculin id yuɣalen ar yixxamen nsen-t. Ass-agi imezdaɣ iwḍen ar wazal n 1200 terras. D-ayen yessefraḥen aṭaṣ ! Ayagi yeḍra-d asmi i d-tefka ddula tallalt (l’aide) i lebni, iwumi ssawalen Fonal. Tallalt-agi, terra-d medden ar taddart nsen, yuɣ lḥal akal yella, bnu kan ! Ayen din n yixxamen yettwabnan, u mazal ad rnun wiyaḍ. Wiẓran yekker, yewwi abrid-is ɣer t’neflit (déγeloppement). Deg tama nniḍen, imezdaɣ n taddart-agi, gren-d tiɣri i yimḍebren n tɣiwant lakked d wid n lwilaya iwakken ad bnun yiwen uṣenfar yaɛnan aɣerbaz alemmas. Aṣenfar-agi, d yiwen yiswi ibɣan imezdaɣ at aweḍen, acku arraw nsen nṭarren aṭaṣ, imi yal ass ilaq ad siklen azal n 50 ikilumiṭren akken ad ɣren deg ɣerbaz alemmas n Ginduz (Aqerru n tɣiwant). Anect-a yessaɛya-ten dayen kan, imi aṭaṣ n yinelmaden ṭṭixiren i leqraya fedra n lbaɛd-agi lakked d lḥif n-umesni (transport). « Akal anda ar ad yebnu uɣerbaz-agi yella. D yiwen n umezdaɣ it-id yefkan i taddart. Yugrad kan lebni! ». i d yenna yiwen umezdaɣ.
Syphax.Y