Tameɣra n-ukermus ! Anwa i d as yenna-n ad yas wass as xedmen tameɣra-ines iw kermus ? Ihi tura dayen i ḍerru-n, as mi ẓran medden azal n-ugummu-agi ẓiḍen aṭaṣ. Tagi d yiwet n tiddukla i yerran tajmilt iw kermus. Tiddukla-gi tadelsant isem-is « Tanekra », i xedmen tameɣra n-ukermus ussan n 21 ar 23 deg wagur n ɣuct deg taddart n Mliḥa i d yezgan deg tɣiwant n-Icellaḍen deg lwilaya n Bgayet. Tameɣra-agi mači ttamezwarut. Attan tiwweḍ-d ar tis ukuẓ neɣ « 4 »! Xedmen-tt deg uɣerbaz « Tekkus Muhub ». Akka ihi, akermus yezga am ugellid krad n wussan deg taddart-agi n Mliḥa is yerra-n tajmilt.Ɣas ma yella akermus yal ass tetten-t medden, maca aṭaṣ degsen ur ẓrin ara lfayda yesɛa. Ayagi nnan-t id deg tamesbanit-agi, anda aṭaṣ n yemdanen i d yussan si yal tama n lwilaya n Bgayet lakked d lwilayat nniḍen. Wid i d irezfen ɛerḍen akermus, ččan dges! D-acu kan, aṭaṣ n tɣawsiwin i d naḥf-ḍ deg tmaɣra-agi. Am tagi: »Akermus yessadar aṭan s sukar (glycémie), kulistirul (Le cholestérol) lakked d zzit neɣ tassemt (triglycéride) ». Akka i d nnan kra n-imejjayen n taḥcicin yella-n deg t’maɣra-agi. Lḥaṣul, lfayda n-ukermus mači d yiwet kan…Imḍebren n tiddukla « Tanekra » i xedmen tamaɣra-agi cekren-ten medden ɣef ayen xedmen, lakked d wazal is fkan i yigumma n t’murt n leqbayel yesɛan lfayda muqren i tezmart n wemdan. D-acu kan, aṭaṣ n yemdanen yennuɣna-n imi taggara-agi, isekla n-ukermus twaqelɛen neɣ rɣan. Zik nni, akermus yella d ṣṣur yezzin ɣef tuddar. Yiwen ur yezmir ad ikcem ar taddart. Yesɛa lhiba mebɛid, yerna yecbaḥ. Tura, « le parpaign » yewwi amkan-is! Deg taggara n t’meɣra-agi deg taddart n Mliḥa, tella-d yiwet n temzizilt n seksu, lakked c’na!
Syphax.Y