I tikelt tis snat, aseggas-a, i ttuwtent tselmadtin deg uγerbaz Mimoun n temdint n Tizi Uzzu. Tikelt-a, glan ula s unemhal. Amek teḍra temsalt ? ddurt iεeddan, γef wakken i aγ-d-yenna unemhal n uγerbaz-a d akken yusa-d gma-s n yiwen n unelmad γer uγerbaz, yekcem γer tselmad n gma-s, yessawel-as teffeγ-d γur-s, dγa yewwet-itt. Syin yekker wahraḥu gar yiselmaden d yixeddamen. Mi d-iruḥ unemhal ad iwali d acu yeḍran, yemmuger-it yilemẓi-agi s tyitiwin ula d netta. Tekker ddunit ad telḥu. Iselmaden ḥefsen γef uxeddim s uzekka-nni (ass-nni n larebεa) ufan-tt-id dγa d sebba i wakken ad d-rnun γur-s liḥala taberkan ideg yettidir uγerbaz-nsen. ‘’Aγerbaz ixus si yal tama. Tiqit di yal tazeqqa, ammus γer tama n tneγriyin, lexsas n waman…atg. Lḥasun mačči d yiwet’’ i aγ-d-nnan yiselmaden. Win yewwten, ha-t-an akka tura di lḥebs n leεḍil. Llan wid i d-yusan, ssutren deg unemhal ad as-isemmeḥ, yella gar-asen ula d baba-s n yilemẓi-agi. Am wakken i d-usan, di&gamma,; yimḍebbren, yinemhalen n yiγerbazen-nniḍen akked sandika. Tamsalt tebda, γef wakken d-nnan imi taselmadt-a tewwet anelmad-nni syin yugi ad d-yas γer uγerbaz.
Hocine.M