Accueil Tamazight Iḍuman rrif n wexxam tujya

Wizgan : Iḍuman rrif n wexxam tujya

1772
- PUBLICITÉ -

Ixedamen n wexxam n tujya id-yezgan di tama n Lewḍa di tγiwant n Wizgan begnen-d lγiḍ-nsen ddurt-agi yezrin, ass n umenzu n yulyu ideg nella s waḥbas γef lxedma seba n uḍeggar n yiḍuman sγur imezdaγ n temdint tamaynut n Lewḍa. Dγa dayen id-ixelqen iεewiqen i yixedamen n wexxam-agi n tujya, imi ur zmiren-ara ad-xedmen deg tegnatin yecban tiden, d ugguren ara-d-yeglun s lemḍara meqren i twenaḍt d tezmert n wemdan.

- PUBLICITÉ -

Iwesmekti kan, taγiwant n Wizgan tettidir yiwet n tezγent meqren γef teγzi n useggas-aya, sebba n weγlaq n umḍiq n uḍeggar n yiḍuman ur-nwulem-ara di tama n uzaγar sγur imezdaγ n waṭas n tudrin. Dγa deqs n tudrin id-yufan tifrat i weγbel-agi n wejmaε d uḍeggar n yiḍuman, imi tiddukliwin yesaḥbibiren γef twenaḍt d tesquma n tudrin grent irebbi i weγbel-agi, sawḍent sbedent imukan n uḍegar n yiḍuman s wefran, dayen i yesneqsen taεkkemt meqren. Maca tamdint n Wizgan d temdint tamaynut n Lewḍa mazal ar tura aγbel-agi yettizi yetteneḍ. Γef aya ixeddamen n wexxam n tujya n Lewḍa sarmen tifrat i wuggur-agi γef zik lḥal, imi tudert yelhan tcud γer tezdeg.

Islam Bessaci

- PUBLICITÉ -