Lalyam Ṣuneyya d yiwet n tnelmadt n uɣerbaz alemmas Lɛerbi Mezzani n At Yanni. Tlul ass n 30 yulyu 2002. Aseggas-agi, d nettat i yewwin arraz usebγes n temsizzelt tis snat “Meɛtub Lwennas” i d-tettheggi tiddukla Tirza. Tewwi arraz ɣef wudem i d-tefka d tufrarin i d-tufrar tullist s wyes tettekki di temsizzelt.
Tullist-agi tefka-as azwel “Inig aneggaru”. Deg-s temmeslay-ed ɣef sin yemḥemmalen; maca imawlan n teqcict ur qbilen ara. Yiwen wass, mi mlalen sin nni yemḥemmalen yesla baba-s n teqcicit ur s-yeɛǧib ara rray-nni, ar almi yewweḍ yenɣa yell-is. Ma d win akken tt-iḥemlen, si lxelɛa nni yuɣal d aggugam, yerna cwiṭ yemmut ula d netta, ma d baba-s n teqcict nni yegra-d di tisselbi.
S tullist ines, Lalyam Ṣuneyya, tga assaɣ d umennuɣ n Lwennas i yennuɣen akken ad tifrir tmaziɣt d tutlayt taɣelnawt, tunṣibt di lezzayer akken ad iban laṣel. Ass n 25 yunyu 2015, yezzin-d 17 iseggasen seg mi yettwanɣa Meɛtub Lwennas, i demma n waya i thegga tiddukla Tirza timsizzelt-agi n tira s tmaziɣt.
Arraz-agi fkan-as-t Lalyam Ṣuneyya deg uxxam n yidles Mulud At Mɛemmer n Tizi-Wezzu. D inazuren, Ḥamid Meɛṭub d Karim Baca i d-yusan ad s-rren tajmilt i Lwennas Meɛtub i s-t-ibedden ɣef lɛecra d uzgen n yiḍ s uḥdar n ugraw n wazal n 25 n yinelmaden n At Yanni. Ayen i ten-yesfeṛḥen aṭas.
Daḥlal Canez