Accueil Tamazight Tensa tcemmaεt, teggra-d Tafat-is

Buğemεa Lεenqis : Tensa tcemmaεt, teggra-d Tafat-is

1958
- PUBLICITÉ -

Annar n yedles d tẓuri tazzayrit yesḥasef aṭas s lmut n yiwen n yetri i yeḍwan tizlit tazzayrit ṣenf caεbi, wagi d Buğemεa Lεenqis, i tewwi tmettant tamedit n wass n larebεa 02 deg aggur n ctember 2015 di sbiṭar n Σin Naεğa di Lzzayer tamanaγt, sebba n waṭas it-yeṭfen acḥal n yiseggasen-aya. Buğemεa Lεenqis, issem-is aheqqani Buğemεa Arezqi, ilul ass n 17 yunyu 1927 di tama n La Casba di Lzzayer tamanaγt, deg yiwet n twacult id-ijebden iẓuran di tmurt n leqbayel, imi imawlan-is n tama n Uzeffun. deg seggas n 1939 yewwid agardas n tagara n wulmud, syen ixeddem γer Xali-s d amestejjar. Deg seggas n 1939 almi d 1945, Lεenqis yekcem annar n ccna s tahri, imi yewweḍ γer usirem-is, yewwi isem n tẓuri Lεenqis id-yuγen aẓar deg yisem n unaẓur ameqran El-Σenqa i yellan d mmi-s n tmurt-is di tama n uzeffun, anda i yekkat allalen n uẓawan n yicennayen meqren xarṣum imi ara seklasen. deg seggas n 1957, yelmed tutlayt n taεrabt, anda Cwiter akked Muḥamed Kibayli xedmen-as timsirin n ccna. Syen yessukes-d timusniwin d yinaẓuren i imucaεen tallit-nni, am Ccix Saεid el Meddaḥ, Mestafa Nadur. Di tegrewla Tazzayrit 54/62, Buğemεa Lεenqis yettwaḥbes sγur srabes n lbaḍna n tmurt n Fransa snat n tikkal. Tikkelt tamenzut deg seggas n 1957, tikkelt tis snat deg seggas n 1960. Deg tufγa id-yeffa&gamma,; yuγal γer ccna, anda yessekles tizlit iwmi yeqqar « Djana El Intissar  » yecna γef tmesbaniyin n 11 dujambar 1961, anda i yesfallet i tmunnent n tmurt. Buğemεa Lεenqis yesεa ugar n 300 n tezlatin ger-asent « Ah Ya Ntya», “Rah El γali raḥ » akken i yecna kra n tezlatin s tutlayt n yemma-s taqbaylit « Mektaγ-d temẓi-w. Buğemεa Lεenqis d azamul n ccna d yedles azzayri s umata, yemmut di laεmer-is 88 n yiseggasen, maca xas yemut ayen id-yeğğa d agaruj ur nettfaka.

- PUBLICITÉ -

Islam Bessaci

- PUBLICITÉ -