Anaẓur ameqran umezgun Moḥemed Fellag yuɣal-d s uhanay (spectacle) amaynut umi yefka azwel » Bled Runner ». Deg web unṣib-ines yura-d d akken ahanay-agi d tahiwect deg ayen yexdem d wayen yura seg 1995 armi tura u di yal ahanay yeks-d deg-s ayen yelhan(si Djurdjurassiquebled armi petits chocs des civilisations ), ma d iswi umahi-a d aɛraḍ n tarda n ddɣel ger snat tmettiyin (ijenṭad akked d irumyen) di tmurt n Fransa imi ala s taḍṣa d unecraḥ inezmer a neseqreb ulawen wa nesqerdec timsal ara yesduklen igduden xas mgaraden di kullec maca ulac win yellan mgal taḍṣa , ahanay-ines amezwaru ad yili ass 9 ṭuber 2015 di Fransa D asmekti kan Mohemed Fellag yettidir di tmurt n Fransa ugar n 20 iseggassen , ilul di tɣiwant Uzeffun di twilayt n Tizi Wezzu deg useggas 1950 . yunag ɣer lɣerba mbaɛd temrawt taberkant acku irebraben ḥekmen fell-as s lmmut , ger imahilen-ines mucaɛen nezzah aɣarrabu a tmurt n Lustralɣ , SOS labass , cocktail khorotov , ɣer tama umezgun Fellag yura ddeqs n yedlisen d wungalen am « rue des petites daurades » « L allumeur des reves berbere d waṭas isura n sinima am « ce que le jour doit a la nuit , monsieur Lazhar …atg. Xas isem-is yewweḍ akk timura maca asirem Muḥend Saɛid Fellag yiwwas ad yurar d agi di tmurt-is zdat n wid tiḥemlen di tmurt n Lezzayer.
Dahmani Bilal