Accueil Tamazight Amaynut n Tregwa i yimaziɣen n Merruk

Amaynut n Tregwa i yimaziɣen n Merruk

1991
- PUBLICITÉ -

Akken yella yenna-t-id aṭas n tikkal uselway-is ameɣnas mass Racid At Ɛli Uqasi, ilaq ad tezzi yewwas Tesbeddit-nsen Takanadit i Tmaziɣt i yimaziɣen nniḍen ladɣa deg wayen yerzan aseqdec n usnulfu ed tfarest iseklanen, wamma deg yiḥricen nniḍen tella terza yakan Tregwa ɣer kra n tmura n Tmazɣa I kra n yiqeddicen. Ihi, akken ad tɛeddi ɣer tigawt, tesnulfa-d ussan-a arraz Ɛli Azayku i uslal aseklan ed tẓuri n yimeskaren imaziɣen n lasel amerruki. «Iswi n warraz-a mačči kan d asebɣes i usefres aseklan ed tẓuri s Tmaziɣt, maca iwakken ad yerr tajmilt i wid ixeddmen deg wannar n usefres s tmaziɣt, ad ten-yerr ad ttwassnen ɣur yimaziɣen akked iberraniyen s umata, ladɣa wid i yettaken ccan i yidles amaziɣ». Deg tiɣri-nni i d-sersen i nezmer ad nɣer aya. S wakka ihi, arraz-a s wazal n 1000$ n Tkanada, i yeddmen isem n waggag, amedyaz d umezray Ɛli Azayku, i yemmuten sendilindi, ad yettunefkay deg 20 n yebrir n yal aseggas, d asmekti ladɣa ɣef wayen yesɛedda umeɣnas-a mi t-gren yinesdabuyen n Merruk deg tkurmut (lḥebs), maca daɣen ilmend n usmekti n tefsut n yimaziɣen.

- PUBLICITÉ -

Mhenni Xalifi

- PUBLICITÉ -