Yanis Uğeddi d ilemzi yesεan deg uwtay-is 28 n yiseggasen ,yekker-d deg twacult n tẓuri, gar-asen Tahar d anaẓur, baba-as Xellaf d amedyaz win id-igan tarbaεt Akfadu, d win ikecmen deg umussu adelsan .
Yanis seg wasmi yella d aqrur iḥemmel aẓawan , dɣa asmi yesεa 14 n yiseggasen fkan-as-d arraz d “snitra” din i yebda almud-is ɣef wuarar n lexyuḍ , bab-as ur t-yeğği imi yezga s idis-is, deg wussan n tesnawit icennu deg yirmad idelsanen neɣ inubaz id-yettag uxxam n yilemziyen Ukeffadu anda yecna tizlit-is tamenzut d tajmilt i xali-s Tahar deg useggas 2008 “ajeğğig iruḥen” ,nnan-as-d wid it-iḥemmlen tettcabaheḍ ɣer Tahar fell-as yaεfu yarḥem , ɣur-k ssut ḥlawen yettaken iman i wul yugsen,d taneffut i tudert n yimarayen , d izen i yimsefliden-ik , dɣa deg useggas 2010 yessewjed-d yiwen uḍebsi netta d bab-as anda ṭṭfen asaḍur lwaḥid , deg-s llant 08 tezlatin gar-asent “tiziri yezgan di tiliẓri n umaziɣ s userkeb n tugniwin “Berber TV” , atin iḥemmleɣ ,aεyiɣ, ɣas ḥsu…..llant ugar n waya, s tezlatin-a i yelli aɣlad-is n tẓuri ,yekka deg waṭas n temzizlin ,tifaskiwin , irmad, timeɣriwin …yemmed akken deg ubrid n ccna s uẓawan yugten d iziɣer , d tmedyazt n bab-as lqayen yesεan tadrut .
Dɣa yeqqim sdis(6) n yiseggasen yeffer ɣef tfarest , yebda yesseklas amaynut imi deg waggur yezrin id-yessisen di teẓrigt s ɣur “Star Plus», d win ineflen d tifawt, d tafuɣalt, d asmekti, d timsirin i wid yellan di tnafusin n tayri,azwan ires ɣef yifyar n tmedyazt , isemsawiyen gren-as-d cbaḥa i useqεed ,anda llant deg-s 08 n tenziztin ,azwel “Thuz ul-inu” gar-asent “Urgaɣ tamurt-iw, ruḥ a tayri, iwacu-tt tayri, tamakurt….).
Yanis yecba azwu i ufarnu mi qrid ad yexsi , la isuḍ yellef acku yesεa aɣnib d win yettawin ɣer yidles, tutlayt, thuski, d iwellihen i umaray……
Azedine Abdous