Inelmaden n tɣiwant n Yiɣram yeqqaren di tesnawiyin n uqbu, nṭarren nezzeh seg lexsas n ttawilat n usiweḍ akk d leɣla n wazal n rekba, acku , segmi taɣiwant ur tesɛi ara ula d yiwet n tesnawit dayen yeǧǧan tuget n yinelmaden n tudrin am Wat Sellam d Tiɣilt Mexluf d iɛemmuren teddun deg les 404 bachées am lmal i smadiḥ n usemmiḍ ubeḥri d ugris, i wakken kan ad awḍen deg lawan ɣer tneɣrit. Wama aɣbel n tuɣalin tameddit akter, ladɣa deg wussan n ccetwa imi ussan wezzilit, rnu d dḥis yettilin deg yimukan n rekba lawan deg ttefɣen yixeddamen. Ur ttawḍen ara s ixxamen-nsen alma d 07 n yiḍ. Sseba n waya d lexsas n ttawilat tesɛa tɣiwant imi i taɣiwant n Yiɣram tettuṣennef gar tɣiwanin tiẓawaliyin n lwilaya n Bgayet. Ur tesɛi ara akk kra n lmedxul-nniḍen anagar n wayen i tt-id-yettṣaḥen di tedrimt d-tferreq ddula ɣef tɣiwanin yal aseggas. Ɣeɣ waya, ula d inelmaden yeqqaren deg uɣerbaz alemmas, anagar tiqcicin i iteddun deg umesni aɣurbiz. :’’deg wussan n ccetwa macki akken ara teḥres tallit,yeqwa udfel s axxam n xwali deg Uqbu i ttarraɣ, ttnusuɣ dinna ‘’i d-yenna yiwen n unelmad nesteqsa . Ad yeqqim win ur nesɛi ara kra n uxxam deg-i ara yer, amek ara as-teḍru ?
B.benhamouche.