Tallit n ccetwa, d tallit n tasmuḍi. Lǧessa n umdan, labeɛda win meẓẓiyen neɣ win ihelkan aṭṭan yezgan, tettmagar aṣemmiḍ akk d lqella n tikli ara tt-yerren hcicet. Anect-a, ad yelli abrid i ddeqs n waṭṭanen ara tt-ḥazen. Ɣef waya, nextaṛ ad awen-d-nefk iwellihen-a ara yesseḥbibren fell-awen.
1 – Acṛaḍ mgal aṭṭan n ubeḥri: yezmer umdan ad yecṛeḍ melmi i as-yehwa ɣef teɣzi n tallit n tasmuḍi imi yettḥarab deg ugar n 70% n tikkal seg ubeḥri.
2 – Aṭixxeṛ ɣef ubeddel ‘’aderɣal’’ n llebsa : ɣas d lɛada taqdimt, ǧǧan-tt-id lejdud, ad teqqim d lsas n usḥbiber, labeɛda ɣer yimeẓyanen. Imi timelsiwt n ddeqs n tduli d twakksa-s ‘’taderɣalt’’ mkul mi ara yeccef umdan tessefcal tafekka.
3 – Aṭixxeṛ seg yimeḍqan ur nebbuḥri ara: imeḍqan ur nebbuṛi, rnu ɣur-s ddexxan, lḥamu, lewsax, ssehlaken tiɣanimin n turin (poumons).
4 – Tarewla seg yimukan yeččuṛen: tiḥuna n wučči, tizeɣwin n tmeṛiwin, ifurguten…atg, d imeḍqan anda ttanṭaḍen ivirusen gar madden. Ɣef waya, ilaq amdan ur yesṭuqqut tiɣimit deg-sen.
5 – Asizdeg n tanzarin: yesfek ɣef yal yiwen yesɛan kra n wugur n tanzarin, ad yerzu s amejjay uqbel ccetwa akken ad as-yekkes kra n wugur.
6 – Mi ara izad uṣemmiḍ, ilaq uɣummu n yifassen d yiḍaṛṛen: adfel, d aṭṭan yeṭṭuqten labeɛda ɣer tlemẓit, yettḥaz iḍuḍan d tfednan. Ala s uɣummu azuran i nezmer ad nḥader seg-s.
7 – Učči n telqimin yeḥman: ilaq amdan ad yettextiṛi talqimt yeḥman akken ad yizmir ad iqazem aṣemmiḍ.
8 – Atixer i yir leɛwayed: ddexan, ccṛab, ɛawaz, tellin tawwurt i facul n turin d tlalit n lehlakat-is. Ɣef waya ilaq amdan ad asen-yettixeṛ.
9 – Aciweṛ n umejjay: asiḥi n tanzarin, lehlak n tɛebbuḍt, tlaq tiwin n umuḍin s amejjay iqerben akken ad iẓer ṛṛay-is, tikkwal, akken ad t-idawi.
10 – Tarusi n lxaṭer: yal awellih i d-nebder, ilaq ad yemlil akk d trusi n lxaṭer imi d lsas n useḥbiber.
Salima Dali