Accueil Tamazight Kra seg umezgun n TCHEKHOV n Lounes Amziane

Ajdid deg tira : Kra seg umezgun n TCHEKHOV n Lounes Amziane

753
- PUBLICITÉ -

Deg ussan-agi iεeddan i d-yeffeɣ udlis amaynut n umaru d imsuggel aqbayli Lounes Amziane iwumi yefka azwel “ Kra seg umezgun n « TCHEKHOV ». Yeffeɣ-d udlis-agi ɣer tezrigin Art Plume. D win ara yesnernin tasekla tamaziɣt d win ara d-yawin abaɣur i tutlayt-nneɣ tamaziɣt. D adlis wis tlata i d-isuqqel seg tefransist ɣer teqbaylit, syin akkin i d-yessuffeɣ d idlisen. Imi i d- yesuqqel 41 n tmucuha n « Jean de la Fontaine », s tewsit n tmedyazt d isefra ; aḥric amenzu yella-d usuffeɣ-ines deg useggas n 2012, iwumi isemma « Timucuha » ideg llan 20 n tmucuha. Aḥric wis sin dima s uzwel « Timucuha », yella-d useffeɣ-is deg 2013, ideg llant 21 tmucuha. Ma d adlis wis kraḍ d “Lexḍubegga” n Anton Tchekhov s uzwel-is anasli “Une demande au mariage”, i d-yeffɣen deg useggas n 2013.Yexdem deg udlis-agi ajdid taserwest “adaptation” seg tefransist ɣer teqbaylit n kra n wayen yura umussnaw Arussi Tchekhov, yesuqqel-d deg-s tlata n tceqqufin n umezgun (lexḍubegga, bu tenεemt, ṭṭrura n tissit n dexxan) umussnaw-agi, yerna yefka-d agzul ɣet tudert-is d yimahilen-is. Taɣuri igerrzen i yimeɣriyen.

- PUBLICITÉ -
Taceqquft n umezgun “Anẓar” n Kader Ait Ali

Deg ussan-agi yezrin, i d-ilul yiwen n udlis amaynut ara d-yernun abaɣur i temkerḍit n tutlayt n tmaziɣt. Adlis-agi, yessuffeɣ-it-id yiwen n yilemẓi, i d-igren iman-s i tikkelt tamezwarut deg ubrid-agi n tira s tamziɣt. Taceqquft-agi n umezgun iwumi yefka Kader Ait Ali azwel “ Anẓar ”, tesɛa semmus n yisuyas s teqbaylit, teffeɣ-d ɣer tezrigin Numidie n Tizi Uzzu. Ma d unuɣen i swayes i d-yerna cbaḥa i tceqquft-agi, d Mass Tighil A i d as-ten-isunɣen. Yefka-d deg-s adeg (tiẓgi, adrar) anida tḍerru tceqquft-agi, d yiwudam igejdanen yettekkin deg-s (lweḥc aberkan, tafat n wass, tiferṭeṭa, tizizwa).

Adaoun abdel Ghani

- PUBLICITÉ -