Accueil Tamazight Tirza n uḥewwes i lfayda n yimuḍan

Tazmalt : Tirza n uḥewwes i lfayda n yimuḍan

743
- PUBLICITÉ -

Akkin i temnaḍt-nniḍen deg Tezmalt, thegga-d tdukkla DEFI mgal aṭṭanen n tmaẓwalt yiwet n tuffɣa i lfayda n yimuḍan n Bgayet, d waɣiren i as-d-yezzin, ɣer wadeg mu ssawalen Hemmam Ksana di Tubiret. Aṭas n uheggi i d-yellan send ttiɛad n rwaḥ, larebɛa-a tasebḥit, sɣur yiɛeggalen n tdukkla d kra n yilemẓiyen At lɛali d lxir, imi iswi awḥid i ten-yezdin d asefreḥ n yimuḍan akked uɛeddi n uḥewwes-a deg tegnatin igerrzen. D iswi i yettwawḍen dɣa, imi ttwazdin yifassen ɣef wiyaḍ deg teɣzi n wass-nni ara yeqqimen yersex deg wallaɣen, akken i d-nnan yiɛeggalen d yimeɛḍar s timmad-nsen. Ad d-nesneɣmes belli ula d tarbaɛt yettwassnen n Lewhama, teḍfer-iten deg tirza-nsen s yisem n Masi, akken ad yekkes seg wulawen leɛtab n tikli. Ula d tignatin n uṭebbel, llant-d mi akken wwḍen yinerzaf ɣer wadeg. Am wakken i d-yella wamek i wid yebɣan ad ttwaletfen s talext s ssuma n 500 n yidinaren, ama i udawi neɣ i kra-nniḍen. S wakka i d-tettwekkid tdukkla-a DEFI, ɣef uqerruy-is turmidt n Nura Ayt Ɛebderreḥman, aḥaḍar-ines deg yal tizi ɣer yidis n yimuyupaten-is.

- PUBLICITÉ -

M. K.

- PUBLICITÉ -