Mi ara tleḥḥuḍ deg ubrid i d-yenjer Dda Lmulud, ala lebɣi i ukemmel ɣer sdat ara tesɛuḍ; ala tiktiwin ara d-yettmarayen ɣef uqerruy i ubaɣur n yidles. Ɣef waya i d-tesker Tdukkla Tadelsant Adrar n Fad n tɣiwant n Ayt Smaɛel arraz n tullist ifazzen ɣef yisem n ubabat n tmaziɣt, nnig umsizwer n tmedyezt i d-yennulfan deg 2003. S umtawa n yakk iɛeggalen , yusa-d umaynut-a I wakken ad iressi aqeddic i d-yettilin, d wawwaḍ ɣer yiswan i tneyyec tdukkla segmi i d-tlul 23 n yiseggasen-aya ɣer deffir, gar-asen aseḥbiber ɣef tutlayt, aḥraz d usnerni n yidles azwaw, amaziɣ s umata. Dɣa, ɣef yisallen i aɣ-d-yewwḍen, ad d-teffeɣ tiɣri i tikkin deg teẓrigt-a tamenzut deg kra n wayyuren i wid yettwanasen imru s tutlayt i d-yeṭṭeḍ. Ma yella d tafugla n tikci n warrazen, ad d-tettili yal meɣres deg Udrar n Fad, i lmend n tfaska n tmedyazt tansayant.
M. K