L’ange d azwel i textar tmedyazt tamarut tilemẓit, temsiwt Farida Siaci i wammud-is wis sin n tmedyazt. Acu kan tikkelt-agi s tutlayt n tefransist, mbeɛd mi d-tessazreg-d yakkan yiwen s tutlayt n taɛrabt deg useggas n 2008, s uzwel Nekk d umsebrid. D adlis n 30 n yisebtar, llan deg-s 10 n yisefra s tutlayt n tefransist, ɣef yisental yemxalafen, gar-asen : temẓi, aktayen, asirem, tiziri, tirmitin n tudert…atg. Ad d-nesmekti kan belli, Farida Siaci, yettwassnen s yisem n tnaẓurt «Dida» i textar i yiman-is, tlul ass n 21 deg waggur n yulyu 1991, deg Draa Ben Khedda deg lwilya n Tizi Uzzu. D tasdawant deg useggas wis kraḍ deg tesdawit n Boumerdas. Tura la tettheggi ammud-is wis tlata n yisefra s tutlayt n tefransist, s uzwel «Les legs d’annem». Tḥemmel aṭas diɣen ssinima, aẓawan, taɣuri, ccḍah atrar…atg.
A.A