Yuɣal leqdic-a, d tannumi i Tdukkla Tanaddalt Ijermunen n Xerraṭa imi yal ayyur n mayyu i d-yesmektayen tidyanin i texdem Fransa deg temnaḍt-nni, lwaḥi d Seṭṭif d Galma, ass n 8 mayyu 1945, ad d-theyyi amaraṭun ameẓyan. I lmend n usfuggel dɣa n ttiɛad-a amazray d uttreḥḥem ɣef yimeɣrasen i yeɣlin, thegga-d am yal aseggas yiwen n umaraṭun amecṭuḥ i yilemẓiyen inaddalen n tama n Xerraṭa d twilayin i tt-iqerben, deg teẓrigt tis ukuẓ. Ddeqs n yilemẓiyen i d-yerran i tiɣri, tazwara n ddurt iɛeddan, anida uzzlen ugar n 11 n yikilumiṭren seg teswiɛin timezwura n tsebḥit. Deg waya, azal n 115 n yinaddalen i yellan di ttiɛad i lmend n teẓrigt-a tis ukuẓ i yiwet n tazzla iweɛren ma nwala lḥala n yiberdan n udrar. Yewwi-d ad d-nerr awellih belli limmer mačči d afus n tallelt n kra n yimezdaɣ n Xerraṭa akked yimeddukkal n tdukkla, ur yeččaray ara, usihar-a, tiṭ n kra n win yekkin deg-s.
M. K.