Par DDK | 19 Juin 2017 | 424 lecture(s)

Ayt Smaɛel

Asbedd n teɣsert n sserbis

yella-d taggara-a umaynut deg tɣiwant n Ayt Smaɛel, i d-yezgan s wazal n 70 n yikilumitren ɣef waɣir n Bgayet. Icudd waya ɣer umaḍal n tkeryas d yinehharen. D taɣsert n sserbis (station services) tamaynut, tamezwarut deg umezruy i yettwasbedden deg tmiḍt n Ayt Smaɛel. Ulama seg tama n twennaḍt, mačči d ayen yelhan mi yettnernay wayen akk yesluɣayen agama, seg tama n tdamsa d wakud d ayen ara yesferḥen merra iseqdacen n ubrid n twilayt wis 06 i iɛeddan seg Ayt Smaɛel, yettawi ɣer Buɛendas deg Seṭṭif, atg. Dɣa, gar-aneɣ d kra n wakud ad tebdu teɣsert-a n sservis leqdic-is imi ttesriḥ yeffeɣ-d yakan. D isalli i d-yernan tumert i yinehharen, ladɣa wid n temnaḍt n Ayt Smaɛel, imi ḥsan dakken d ccɣel ara d-yefken tirni n ubaɣur. Ara yesbeɣsen ahat imezdaɣ-nniḍen ad gren deg yisenfaren iwumi i zemren i wakken taddart, ad tesɛu merra ttawilat n tudert i ixussen. Ad d-nesmekti kan belli aṭas-aya segmi yetturaǧu beddu n usexdem n teɣsert-a, maca ar tura urɛad i d-yella waya ɣef ssebba n kra n wuguren i d-yemlal bab-is. Ladɣa seg tama n tedbelt (administration).

Kaisa Khalifi

0