Teḍra-d yiwet n tedyant ass n sebt 17-06-2017 di temdint n Bab Zuwwar (di tmanaɣt) imi d-yessuzar yiwen n yilemẓi tawlaft i d-yexdem i yiwen ugrud i yesɛan aseggas d nebs deg leɛmer-is ɣef ṭṭaq n uxxam akken ad t-id-yessers di Facebook . Iswi-is d cciɛa ara yexdem gar yisebtar n Facebook , ur iɛeṭṭel ara lexbar, yekka-d akk isebtar . Tekkar teḥbabart deg-sen , ttemxalafen leryuy gar yimdanen ɣef wayen yexdem ilemẓi-a i ugrud-nni, imi yella deg wunnag (étage) wis 12, syin isuffeɣ-it-id seg balku akken ad yeṭṭef tawlaft swayes ara yesɛu cciɛa , d ayen i yeǧǧan ama d imdanen ama d tidukliwin yettḥaraben ɣef yizerfan n yigerdan, ad d-beggnen lɣiḍ-nsen mgal tadyant-a , imi ilemẓi, yella yetturar s tudart n ugrud aneggaru-a ɛla ḥsab n wayen i d-yenna d : mmi-s n xalt-is. Lexbar yewweḍ ɣer wid teɛna temsalt . Ilemẓi yettwaṭṭef. Mi yewweḍ ɣer uxxam n craɛ, yenkar ayen i yexdem , yenna-d belli ur yessufeɣ ara agrud-nni seg balku, meɛna tawlaft yeṭṭef-it-id sdaxel. Maca tugna teqqar-d ayen-nniḍen ɛla ḥsab n isenselkimen (les informaticiens). Iɛedda sdat n uxxam n craɛ n Dar El Biḍa akken ad yeffaɣ leqrar d akken ad yettwaḥkem fell-as s sin yiseggasen n lḥebs.
S Yamani.