Accueil Tamazight Mustapha Limani d lwali amaynut

Tubiret : Mustapha Limani d lwali amaynut

726
- PUBLICITÉ -

Am wakken i yettuɛeggen, ass n larebɛa yezrin, yeldi Uxxam n yidles Ali Zaɛmum n temdint n Tubiret tiwwura-s i yiwet n temlilit i d-yesdukklen lwali amaynut n Tubiret Mustapha Limani akked Mouloud Cherifi yuγalen d lwali n Wehran anda i d-ddukklen akk yimḍebbren n twilayt s yiḥricen-is i merra, iɛeggalen n tγamsa d yimdanen-nniden. D aselway n Usqamu aγerfan n twilayt Brahim Sadali i yeldin rreḥba n umeslay s yiwet n cchada i d-yefka γef M. Cherifi d wayen akk yexdem di twilayt deg tesɛa n wagguren aya, mi d-yenna : « Ass-a d lwağef fell-aneγ akken ma nella ad d-nebder ayen i yexdem Mass Cherifi. Segmi i d-yusa γer Tubiret, yessenhez kra n uḥric yellan yegdel, yefka tamezzuγt i yimdanen di yal mi ara yeffeγ s annar. Tura, iwulem ad as-nessirem amecwar igerrzen deg Wehran, ad nessuter kan deg-s ur igezzem ara aẓar i aγ-yezdin. » Dγa deg lawan i d-yettmezlay yimḍebber-a, tebded-as teγbelt almi yegguma ad d-yessali awal. Syin, d Cherifi iwumi yettunefk wawal i wakken ad ireḥḥeb s lwali amaynut uqbel ad d-yessuter smaḥ deg yimezdaγ n Tubiret mi d-yenna : « Ala win ur nxeddem ara, ur nγelleḍ ara. Seg tama-w, ad d-ssutreγ i yimezdaγ n Tubiret ad iyi-semḥen ma yella kra yecceḍ yiles-iw γer yiwen deg-sen. Xedmeγ ayen iwumi zemre&gamma,; ɛerdeγ i wakken ad ssedduγ lecγal n unegmu, ass-a ttekleγ ayen i mazal ad as-ikemmel Mustapha Limani». Uqbel ad tekfu temlilit-a, fernen yimḍebbren n Tubiret, ad sselsen abernus n sser i Mass Cherifi ara s-yilin am wakken i d-nnan « d talaba n sser ara s-yilin deg lmendad. » Tella-d daγ tukci n ubernus-nniden i Mas Mustapha Limani. Uqbel ad yeffeγ seg uxxam n yidles, Mass Cherifi ttunefken-as warrazen sγur waṭas n tnemhal d tukkliwin. Seg tama-s, lwali amaynut yemmeslay-d akka i yiɛeggalen n tγamsa anda i d-yenna : « Usiγ-d γer Tubiret i wakken ad kemmleγ deg umecwar i d-yuγ Mass Cherifi, ur γeffleγ ara deg wayen iyi-ttrajun, d acu kan, ttrajuγ lemɛawna n yal tama i wakken ad as-nefk i Tubiret udem i tt-iwulmen. »

- PUBLICITÉ -

M. Smail

- PUBLICITÉ -