Accueil Tamazight Tamettant n Moussa Karbache

Tamettant n Moussa Karbache

1557
- PUBLICITÉ -

D agellid gar yigelliden i d-teǧǧa terbaɛt Ukeffadu, yekker-d deg twacult n yinuẓar yecban: Idir Akfadu, Khellaf Oudjedi, Hacemi imedyazen, d wiyaḍ. Wagi d Moussa karbache, i d-yekkren deg taddart n tzemmurin. Illul 12 deg cutember 1964, ɣur-s 53 n yiseggasen kan, dacu kan amur ameqqran deg tudert-is yesɛedda-t d aɣrib ɣef yimawlan-is, ɣef leḥbab-is deg tmurt n Fransa, imi ula d tamettant n yemma-s ur d-as-yeḥdir ara. Xas ulamma d tamsalt i t-yerzan netta kan. Akken kan yefsa Musa deg tebḥirt n ccna, yessufeɣ-d tisfift tamezwarut deg useggas n 1987, s uzwel « Tameɣra », yella-d usizreg n tesfift-agi def tmurt n Fransa « Édition Casino Musique », yura aṭas n tezlatin i i d-yewwin ɣef waṭas n yisental, ama d tugdut, d tayri, dunit, asirem…atg. Ma nuɣal-d ɣer tezlatin-is, icennu-tent s yiḥulfan, yal awal yettsiffit, i lmend n wanect-a yewwi-d aɣanib icudden srid ɣer ssut-is, xersum ifassen-is teddun am tissist deg snitra. Win ara yeslen i sin yenzizen imezwura mebla ccek d imezzuɣen ara iwalin Musa karbac. Nezmer ad d-nebder tizlit s i d-yufrar ar wass-a d « Tajeǧǧigt Ukeffadu » i yecban iṭij unebdu deg useggas 1989, anda i i d-yewwi Asentel ɣef cbaḥa d wazal n leqder i tuklal tmeṭṭut teqbaylit s kra wawalen zeddigen, ifulkan nezzeh. Ɣer taggrayt n wawal, Musa Kerbac, yeǧǧa tawacult-is imi yemdel cfer n wallen-is deg leɛmer-is 53 n yiseggasen, ayen i d-yemmalen tajeǧǧigt Ukeffadu teḥzen fell-as, tru-d imeṭṭi n leḥzen. Musa Kerbac, ass n temdelt-ik, ad yembeɛzaq Ukeffadu, s tuget n lɣaci, ihi steɛfu di talwit

- PUBLICITÉ -

Amaziɣ Yazid

- PUBLICITÉ -