Accueil Tamazight Gar yiserwula bu tfawtin d ucekkuḥ yulin

Ugur-nniḍen i uɣerbaz! : Gar yiserwula bu tfawtin d ucekkuḥ yulin

1175
- PUBLICITÉ -

Aṭas n wawal i itezzin ussan-a, ladɣa di tfarkiwin n Facebook ɣef ugdal n kra n yiselmaden i inelmaden anekcum ɣer tesmilin imi lbus-nsen mačči d win i teddun akked uṣaḍuf n uɣerbaz akken i ttwalin kra deg-sen. Iselmaden-a, ugin i yinelmaden i ixeddmen kra n umcaḍ i ucekkuḥ-nsen. “Amzun akken mačči ɣer uɣerbaz i teddun” i d-qqaren. D ayen i yeǧǧan iselmaden ur qqbilen ara lecɣal-agi di tesmilin-nsen. Ma yella d imawlan n yinelmaden d wid i yeddan si tama n warraw-nsen imi rran-d ṭṭlem ɣef uselmad di tugnit-a, yufa-d uselmad iman-is la yettemxibbiḍ gar yinelmaden ur nettaɣ ara rray, d imawlan-nsen i sen-ittaken lḥeqq. Qqaren-d d akken iseggasen ttbeddilen ula d iṣuḍaf ilaq ad beddlen i lmend n wayen i d-yettnulfun. Ad nexdem tamawt d akken anect-a yakk sebba-s d ayen i iwumi neqqar s trumit “la mondialisation” i d-tewwi Internet i yeǧǧan inelmaden xeddmen ayen ttwalin ɣer yiwudam imucaɛen ama di lebsa ama deg umeslay , imi inelmaden-a ha-ten-in deg yiwet n tallit n tnuba ( adolescence) xeddmen anect-a akken ad sbeggnen iman-nsen di tmetti ama s wayen yelhan ama s wayen n diri.

- PUBLICITÉ -

S.Yamani

- PUBLICITÉ -