Accueil Tamazight Qrib ad teldi temkerḍit tamaynut

Freha : Qrib ad teldi temkerḍit tamaynut

1056
- PUBLICITÉ -

Mbaɛd takerḍit i d-ilulen di taddart n At Wizgan deg unebdu-agi, tikkelt-a d nnuba ad d-tlal temkerḍit tis snat di tɣiwant n Friḥa. Asenfar-a, iheggat-id yiwen n Ugraw n yilmezyen ɣef uqerru-nsen Belharet Amine akked Cherou Messipssa, anda i mmsefhamen akken ad d-xelqen yiwet n temkerḍit di tɣiwant-nsen anda yezmer uɣerman, ad d-yawi adlis, meɛna ilaq ad yessers wayeḍ deg umkan n yinna i d-yewwi. Akka, ad yili umbeddel gar yimeɣriyen. Ilmeẓyen-a, xedmen-d tiɣri deg uɣarab-nsen di Facebbok akken ad ten-ɛiwnen i wakken asenfar-agi, ad yimɣur, ad d yuɣal s lfayda i yimezdaɣ n tɣiwant. Mačči kan daya, imi uqbel leqdic-a, yella-d yakan (un café litteraire) maca ur yettunexdam ara, acku llan-d kra n iɛewwiqen. Am wakken daɣen, ilmeẓyen-a n Friḥa, heggan-d yakan anejmuɛ i usizdeg n tɣiwant. Asenfar-a n temkarḍit d wid i t-yecban, suzuren tiktiwin ibennun agdud, d wid yessufuɣen ṭṭlam n war tamussni seg wallaɣ , imi agrud yeqqaren ass-a d win yettḥezziben i uzekka. Mi i d-nesteqsa wid i d-yesslalen tikti-a nnan-d : “Nukni d ilmeẓyen, nebɣa ad nawi ayen yelhan i tɣiwant-nneɣ ladɣa i tsuta i d-yettenkaren imi d nutni i d azekka n tmurt “

- PUBLICITÉ -

S.Yamani

- PUBLICITÉ -