Accueil Tamazight Yettnernu umḍan n lluzinat deg tmurt n leqbayel

Yettnernu umḍan n lluzinat deg tmurt n leqbayel

920
- PUBLICITÉ -

Ulamma ur tgerrez ara tdamsa n tmurt n Lezzayer deg yiseggasen-a ineggura, ladɣa segmi d-subbent ssumat n upiṭrol deg tmura n leǧnas, maca llan yilemẓiyen i yesɛan lebɣi, ladɣa wid i d-yeffɣen s yigerdasen seg tesdawiyin, ssawḍen ad d-snernin neɣ ad d-snulfun amaynut deg wakal n lejdud-nsen. D ameslay ɣef teldayt n kra n luzinat, n lecɣal yemgaraden, i d-yettilin seg tikkelt ɣer tayeḍ deg temnaḍin n Leqbayel. Ttwarnan-d i watmaten-nsen imezwura i asen-d-yebdan abrid. Dɣa, d ayen yessefraḥen s waṭas mi d-kkren deg wayyuren yezrin kra n yimdanen, yerna d ilemẓiyen, i wakken ad gren deg leqdic iwatan, am uselḥu n luzinat-nni, s tallelt n Tnegga taɣelnawt n uɛiwen i lxedma n yilemẓiyen (ANSEJ). Ma nefka-d amedya, ad d-nebder luzinat n uɛiwed n uplastik, neɣ ayen iwumi qqaren allus (recyclage), i yettwaldayen deg usamar n Bgayet deg tama n Saḥel, am temnaḍt n Melbu. « Segmi lliɣ d tamecṭuḥt, nekk ḥemmleɣ ad geɣ lecɣal n usizdeg n twennaḍt. Armi i d-yewweḍ wass ideg i d-ffɣeɣ seg tesdawit, s ugerdas yerzan aḥric n uplastik, dɣa xedmeɣ luzin. Ssarameɣ ad gen medden azal i tezdeg n twennaḍt-nneɣ, ad ḥebsen astehzi deg-s, acku asizdeg-nni ibeddu-d seg lɣaci n tuddar, send luzinat ». I aɣ-d-tenna yiwet n tlemẓit i yesɛan luzin n uɛiwed n uplastik. Imi mačči yiwen n ssenf n luzinat i yellan, yettwaldi ussan-a iɛeddan kan luzin n ccakula n tbexsisin deg taddart n Ṭiwal, taɣiwant n Wat Maɛuc. Ayen i d-yettaken ugar n tumert degmi aqeddic-a yettmagga s 70% n usafar n Tmurt. Afud igerrzen i yilemẓiyen-nneɣ. Nessaram ad ten-id-ḍefren wiyaḍ.

- PUBLICITÉ -

Kaisa Khalifi

- PUBLICITÉ -