Mlalen talemmast n ddurt-a yezrin umedyaz Mbarek Gamar d umaru Ɛemmar Maɛuci akked kra n yinelmaden n tesdawit Mulud At Mɛemmer, i lmend n usarag i d-heggan wid i d-yezzin i ugezdu n tmaziɣt, gar-asen aselmad Ḥsen Grici. S umata, awal n yimsaragen, yella-d abeɛda ɣef tira n tmedyazt d yisenfaren i ttheggin ɣer sdat. Imi Mbarek Gamar, seld ammud n yisefra « 99 d asefru » i d-yessaẓreg ilindi, yeqqar-d ur yettɛeṭṭil xilla wammud wis sin i iheggan. Ma yella d ilemẓi Ɛemmar Maɛuci, i d-yessufɣen ungal, aḍebsi d sin n wammuden n yisefra, yessaram ur yetteḥbas kan din meskud mazal-it yettaru. Ɣer taggara n usarag imezdi, ddeqs n yidlisen i yettunefken baṭṭel i yimeḥḍar sɣur sin n yimeskaren-a.
M. K.