Accueil Tamazight Tasnawit n Ayt Smaɛel tesmektay-d tin n Maɛuc Idris !

Ayt Smaɛel : Tasnawit n Ayt Smaɛel tesmektay-d tin n Maɛuc Idris !

529
- PUBLICITÉ -

Ulac win izemren ad yettu ayen sɛeddan ilindi yinelmaden n tɣiwanin n Ayt Smaɛel d Tsexriwt deg tesnawit-nsen n “Maɛuc Idris”.

- PUBLICITÉ -

Nezmer ad d-nini akraḍyur amezwaru ur t-ɣrin ara maḍi. Ayen sruḥen d ussan sendilindi d yilindi yewweḍ ahat ɣer 3 n wayyuren. Imir-nni, wa yessuter tuɣalin mi t-id-sḥebsen seg tɣuri, wayeḍ yettnaraf ad itett, ad yesɛu amḍiq deg usečču n tesnawit. Caḍent lḥasun ssebbat i d-igan ugur-nni, armi d-yeḍḥa d asergel ameqqran i yinelmaden. Yuɣ-itent useɛdi ɣef umcum, imi ula d tidukkla n yibabaten n warrac ur d-texdim acemma. D ayen i d-yesmektayen dɣa ayen iḍerrun ussan-a deg tesnawit tamaynut n “Ayt Smaɛel”, imi inelmaden tetteddu ahat i 15 n wussan ur ɣrin. D acu kan ugur n tikkelt-a mačči sɣur yinelmaden i d-yekka, maca d sandika n Cnapeste n Bgayet i yellan deffir waya. Deg yiwen n wulɣu i d-yessufeɣ, iger tiɣri i yakk wid i t-yeṭṭafaren ad gen tagant, ad ḥebsen leqraya alama i d-terra tmehla n usegmi n Bgayet i tsutriwin-nsen. Seg tama n yinelmaden, yezmer tazwara n wussan-nni, llan wid iwumi yehwa lḥal, ɣas ulamma qrib ad d-awḍen yimuras n tegrest. Meɛna, simmal tettzid tagant, simmal yettekcam-iten unezgum imi ẓran sruḥen aṭas seg wahil-nsen. « Asmi tebda tagant i aɣ-yesḥebsen taɣuri ur cliɛeɣ ara. Nniɣ ad nesgunfu meqqar, imi ɣilleɣ ur tettɛedday 3 n wussan. Maca, uɣaleɣ ttqellqeɣ mi tugi ad teḥbes, ḥareɣ ad uɣaleɣ ɣer temsirin, acku ulac wid yenṭerren amek nenṭer nekni s wid yeqqaren ». I aɣ-d-yenna yiwen n unelmad seg tesnawit n “Ayt Smaɛel”. D ayen yesḥissifen s waṭas, imi tazwara, llan kra n wuguren deg tesnawit n “Ayt Smaɛel”, ma d tura mi d-terfed ixef-is, tuɣal-d tesɛa ttawilat, teḍḥa-d tagant ad teṭṭef amkan, ad tesruḥ i warrac ussan deg tɣuri-nsen, ad asen-twexxer ula d ikayaden i niqal ad mmaggen ass n 10 deg wayyur-a n duǧember.

Kaisa Khalifi

- PUBLICITÉ -