Accueil Tamazight Asḥesses ɣef yimihiyen n yal ass

Iderginen : Asḥesses ɣef yimihiyen n yal ass

557
- PUBLICITÉ -

Aṭas n tedwilin d tegnatin n usḥulfu i d-yettilin taggara-a deg yal tamnaḍt n tmurt sɣur tdukkliwin yemgaraden, i lfayda n yimezdaɣ. Dɣa tikkelt-a deg tɣiwant n Yiderginen, I ibeɛden s 45 n yikilumitren ɣef usamar n Bgayet, i d-yettwahegga ttiɛad d amaynut. S lmendad n ugraw n tdukkliwin tidiganin, lwaḥi d tallelt n Useqqamu aɣerfan n tɣiwant-a i d-nebder, yemmug yiwen n warmud, deg teɣzi n was, i usḥulfu ɣef twaɣiyin tinmettiyin akked temḍerrit n twennaḍt. Seg 09:00 n tnezzayt, dɣa, i yebda ttiɛad-a deg uxxam n yilemẓiyen, i yewwin iseggasen-a ineggura kan isem n Meɛtub Lwennas. Kra n yisaragen i d-yersen deg wahil, ttwawin-d, ass-nni gar n tnezzayt mi yebda usihal d tmeddit mi d-tewweḍ taggara-s, sɣur Massen Xaled Ɛebdeslam, d aselmad deg tesdawit n Seṭṭif, Ɛacur Lyes, d ccix n lǧamaɛ akked Berkat Lyazid, d asemtar deg waddal. Ddeqs n lɣaci i iɛewwlen ad slen i yisaragen-a deg unammas adelsan n temnaḍt, abeɛda imi taluft terza taɣellist-nsen d tmetti n tura d yimal. Ad d-nesmekti d akken ugar n semmust n tdukkliwin i yekkin deg ttiɛad-a, ad d-nebder seg-sent: Tiddukkla n yibabaten n warrac n uɣerbaz amenzu, alemmas d tesnawit, Tidukkla tinmettitadelsant Ayt Cabuba akked Tdukkla (Oxy-Jeunes) i uḥraz n tgemmi tamezrayt n Yiderginen. I lmend n usemres n warmud-a, yesnemmir uselway n tdukkla « Oxy-Jeunes », Mass Xaled Fuḍil, akk wid yekkin deg ttiɛad, neɣ i d-yerzan ad ḥeḍren i wayen i d-yellan.

- PUBLICITÉ -

M. K.

- PUBLICITÉ -