Accueil Tamazight Aheggi i temsizzilt n Yilmeẓyen ifazen

Tizi Uzzu Tanmehla n yilmeẓyen d waddal : Aheggi i temsizzilt n Yilmeẓyen ifazen

478
- PUBLICITÉ -

Tbarreḥ-d Tenmehla n yilmeẓyen d waddal n lwilaya n Tizi uzzu d akken ad tili temsizzelt iwumi semman timsizzelt n Yilmeẓyen ifazen. Ihi, zemren yilmeẓyen, ad jarden iman-nsen deg Uxxam n yilmeẓyen Boussrak Fatma , Axxam n yilmeẓyen Cherif Boussad, Tazeqqa polyvalente n Boukhalfa , akked Ulmas n umzel ussnant (Centre de loisirs Scientifiques). Ilaq ad yili ilemẓi-nni, yesɛa gar 6 ar 35 n yiseggasen , anda ara d-yessebgen timussniwin-is ama deg uẓawan, amezgun, cḍaḥ, lexyaḍa, awlaf akked trubutikt. Ad tili taggara n ujarred ass n 13 deg furar 2018 deg Ulmas n umzel ussna. Ma d afran n wid ara d-yuffraren deg temsizzelt-a, ad yili ass n 16 d 17 deg furar i deg-i nella. Si tama-nniḍen, iberreḥ-d Uxxam n yilmeẓyen n Tigzirt akken ad tili yiwet n tuffɣa ɣer temdint n El Oued seg wass n 23 ar 28 deg furar 2018. Ula d lexlaṣ, asensu d ttawil n usiweḍ, ha-t-an d Axxam n yilmeẓyen ara yestekklef s wanect-a. Ajerred, ad yili uqbel n 18 deg furar 2018 , acu kan, llan ala 25 n yimukan.

- PUBLICITÉ -

S.Y.

- PUBLICITÉ -