Accueil Tamazight Tiddukkla tadelsant Axxam n Dda Ɛli deg unnar

Tizi Rached : Tiddukkla tadelsant Axxam n Dda Ɛli deg unnar

924
- PUBLICITÉ -

Tezga-d tdukkla tadelsant Axxam n Dda Ɛli deg tɣiwant n Tizi Rached. Tettwaxlaq-d deg useggas 2014 deg tɣiwant-a. D tiddukkla i iqeddcen aṭas deg wannar. Gar leqdicat-is, tesɛa yiwen deg wahil-is anda yal aggur, xeddmen yiɛeggalen n tdukkla-a timlilit anda ara fernen asentel, syin ad ttekkin yinaẓuren s yisefra yesɛan assaɣ ɣer usentel i d-yettwafernen; ayen iwumi semman s trumit “Silence, on déclame”. Aggur yezrin, yella-d usentel ɣef tayri anda ilmeẓyen wwin-d yal asefru s tutlayin yemxallafen. Gar yisefra-a, uddren-d asefru n Zeddak Mouloud, L’amour n Paplo Neruda , Alger n Jean Sénac, Tameṭṭut n Si Muḥ Umḥend, d waṭas-nniḍen. Timlilit-a, d tagnit anda ilmeẓyen ad ttembaddalen timussniwin, akken daɣen ad yeffeɣ wallaɣ-nsen anda-nniḍen. Ma yella d ass-nni n sed, yella-d usentel ɣef tlelli. D yiwen usentel lqayen , d ayen akk yettnadi umdan. Aṭas n wid i yefkan tirwiḥen-nsen fell-as. Ihi, ilmeẓyen, squcḍent si yal asefru, ma yela d iɛeggalen n tdukkla, ffkan-d ttiɛad i waggur i d-iteddun akked usentel amaynut .

- PUBLICITÉ -

Souhila Yamani

- PUBLICITÉ -