I lmend n usmekti n umulli wis 38 n Tefsut n yimaziɣen akked umulli wis 17 n tefsut taberkant, taɣiwant n At Leqsar yetabaɛen ɣer lwilaya n Tubiret, thegga-d tazrigt tis tlata n Tfaska taɣelnawt n tmedyazt tamaziɣt. Gan-tt abrid-agi, d tajmilt i 7 n yimeɣrasen n tmaziɣt, gar-asen Mulud Mɛemmri, Matub Lwennas, Muḥend Arab Bessaɛud, Sliman Ɛazem…atg. D timsizzelt ara d-yilin gar 18 alamma d 21 deg waggur n yebrir 2018, deg tɣiwant n At Leqsar. Dɣa i lmend n wannect-a, tiddukkliwin tidelsanin n tɣiwant-a, grent-d tiɣri i yimedyazen d tmedyazin timaziɣin n tmurt n Lezzayer, i wakken ad ttekkin deg ttiɛad-agi ameqqran. Wid neɣ tid yebɣan ad ttekkin deg tfaska-agi-agi n tmedyazt deg tezrigt-is tis tlata, ilaq fell-asen ad aznen 3 n yisefra-nsen, yettwarun s ttawil n uselkim, s tutlayt n tmaziɣt, yerna s usekkil alatini. Ugar n yisallen, ssiwlet ɣer wuṭṭun-agi: 0550 90 65 88 neɣ 0770 43 87 95. Ad nesmekti s tiddukkliwin tidelsanin i d-iheggan leqdic-agi: Tiddukkla tadelsant Amaziɣ, s tallelt n tiddukkliwin-agi: Tafat, Talwit, Tadukli akked tiddukkla Leḥsan.
Ghani Amazigh