Tameɣra n zzit n uzemmur di Mɛatqa , tin n uyefki di tmizart…atg. Tikkelt-a, terna-d temnadt n Yiɛezzugen , imi tettwassen s tizedt n wayen i d-sewwayen , akken daɣen, tesɛa temnadt-a aṭas n wid ixeddmen deg taɣult n usewwi. Si zik yal wa yettaǧǧa-ttt i wayeḍ. Deg tezrigt tamezwarut ‘ Iɛezzugen tamanaɣt n tuččit ‘ akka i d as-semman yimḍebbren i tezrigt-a, i yebdan ass n 15 meɣres deg Uxxam n yidles u tekfa ass n sebt 17 deg meɣres , s lemɛawna n tidukla n i yettḥaraben ɣef umsider (consommateur) akked lwilaya n Tizi Uzzu , tettuhegga-d tezrigt-a anda ḥeḍren azal 24 n yisiččiyen. Yal yiwen yessken-d lesnaf n nwalat i yellan, akken daɣen i d-subben i leswam n yučči i lmend n tezrigt-a. Am wakken llan-d daɣen yisaragen anda i d-mmeslayen amek ara yisin umsider, ad yextir tuččit-is akken iwulem. Tazrigt-a, tagnit, ladɣa, i wid yettḥibbin tanewwalt.
S.Yamani