Par DDK | 16 Avril 2018 | 683 lecture(s)

Ibudraren

Yella-d wass n Tujjya di tɣiwant

Ddaw leɛnaya n tesseqquma n tuddar n tɣiwant n Yibudraren, deg lwilaya n Tizi Uzzu d ufus n tallelt d yimḍebbren n tɣiwant akked yimejjayen imazzagen n Lezzayer, Blida d Tizi Uzzu, suddsen yiwen n wass n tujjya i usesten amazzag, ass n lǧemɛa 6 deg yebrir 2018 si 8h n sbeḥ armi 18h n tmeddit, deg yakk tizeɣwa n tujjya n tɣiwant. Llan-d Sin (02) n lkiran n tɣiwant i lmend n usiweḍ gar yimedqan yemgararden n tujjya. Am wakken i d-yella lembat n yimejjayen i d-yusan di lebɛid. Tella-d tguni ɣer twaculin n dina. Azal n 800 n yimdanen i d-yesfaydin seg usesten-a amazzag baṭel. Tiggawt-a, tfaz nzezeh u teḍra-d di tegnatin yelhan s lmendad n tddukkli n waṭas n yiwaziwen. Ɣef wanect-a, dɣa, i yessnemmer uselway n tɣiwant wid i d-yefkan afus n tallelt, ama si lbeɛd ama si lqerb.

Dahlal Chanez

0