Accueil Tamazight Tajmilt i unaẓur Said Hilmi

Tizi Uzzu : Tajmilt i unaẓur Said Hilmi

941
- PUBLICITÉ -

Ass-nni n letnayen 30 yebrir 2018, tuɣal-as tejmilt meqqren deg uxxam n umezgun amniḍan Kateb Yacine n Tizi Uzzu, i unaẓur ameqqran Said Hilmi. Tella-d ɣef teɣzi n wass temsikent n waṭas n tɣawsiwin yerzan amecwar n unaẓur-agi i d-tefka Tizi Uzzu. Llan yimagraden n tɣamsa yettwarun fell-as, llant ttsawer-is d tudert-is akked yimuhal-is…atg. Ɣef 14h00 n uzal, deg tzeqqa n yisihar, yella-d uskan n yiwen usaru awezzlan, i d-yewwin awal ɣef tudert d yimuhal n urgaz-agi ameqqran. Syin akkin d tinagiyin sɣur yimeddukkal-is icennayen; Lounis Ait Menguellet, Yacine Zaidi…atg. Am wakken daɣen i ḥedren tajmilt-agi waṭas n yiwudam n yidles, yecban; Azeddine Mihoubi, aneɣlaf n yidles, Mohammed Yahiaoui, anemhal n umezgun aɣelnaw Mahieddine Bechtarzi (TNA), Goumeziane Nabila, tanemhalt n yidles n Tizi Uzzu…atg. Tella-d diɣ ccna n taɣect-agi “Lehdur n ulac” sɣur Said Hilmi akked Yacine Zaidi, ma ɣer taggara maḍi, tella tukci n yigerdasen d warrazen n usebɣes d wakaz (reconnaissance). Ad d-nesmekti kan belli, d mmi-s n temnaḍt n Azeffoun, ilul ass n 15 maggu deg useggas n 1939. Tura akka ɣur-s 79 n yiseggasen di leɛmer, ma d isem-is aḥeqqani d Said Brahimi. Yettuneḥsab seg tgejda n umezgun azzayri, i lmend n wayen i d as-yefka. Yurar deg waṭas n tceqqufin n umezgun akked yisura, yura daɣen aṭas n lisinaryu n yisura, am wakken daɣen i yexdem d amkaḍuf (animateur) deg umaṭṭaf wis sin.

- PUBLICITÉ -

Adaoun Abdelghani

- PUBLICITÉ -