Aḥric wis 11 taggara
Seg uḥric aneggaru. Teffγ-d tmeṭṭut tebra i wallen-is, tessedreg akka acemma udem-is s yifassen-is, tekna sdat n mmi-s ugellid, netta yefka-as tarkast-nni n wuraγ. Teqqim γef yiwen uqejmuṛ yersen deg ufrag sdat n yiseqqif, tessufeγ-d adar-is seg tqebqabin-nni n usγaṛ aquran telsa, tessekcem-itt deg terkast-nni n wura&gamma,; tusa-d fell-as s lqis. Yewwi-tt mmi-s ugellid γef wayes. Akken i d-terfed s uqeru, yessaked-itt mmi-s ugellid s allen-is, yeεqel-itt d nettat i d taqcict-nni i γef niqal yerhen temẓi-s lemmer ur tt-yufi ara. Isuγ si tmendit, yenna-asen: ‘’D tagi, d tagi i d tislit iwulmen’’. Yambaba-s d yessi-s ur d-tegri ara ula d tiqit n yidammen deg udmawen-nsent, tekfa fell-asent ddunit. Mmi-s n ugellid, yewwi-tt deg tkeṛṛust. Akken wwḍen γer tewwurt tameqqṛant n beṛṛa n lbeṛğ-nsen, ccnan-asen-d yetbiren tizlit-agi: ‘’Tarkast-a war idammen, tuklalem tizet ad tt-teččem. Tewwid-d tislit iwulmen, ansuf yis-m a tuhdiqt, kcem’’
Ass-nni i tendeh tmeγra n rrcil “ Zwağğ”, yeγli-d yigenni γef tmurt, iwaqurren derrzen yid-s tameγra, usan-d ula d lγaci n leεrrac-nniḍen d tmura-nniḍen, sa ( 7 ) n wussan d sa ( 7 ) n wuḍan yeqqnen di tnelli reddḥen imenduyar, cennun icennayen, iεum walluy d uṣubbu. Agellid s timmad-is, yennecṛaḥ wul-is, ahdum imi tuγal d tameṭṭut n mmi-s, ula d yambaba-s d yessi-s yesres deg-sent ayen ur nelli, selkent ayen ur ččint γef wayen ssεeddant fell-as. Mm Yiγiγden akked mmi-s ugellid akken i uγalen d imγaren, ddren s tayri deg talwit almi d taggara n tudert-nsen.
Yerra-tt-id seg talmanit Essaid Ait Maamar.
S talmanit « Aschenputtel » uran-tt watmaten Grimm.