Teḍra-d ass-nni n lǧemɛa 11/05/2018, temsizzelt n tazla s ssenf n uzgen n umaraṭun “Abane Ramdane”, deg ladayra n Larbaa Nath Irathen. D tazrigt tamezwarut ideg ttekkin waṭas n yinaddalen, i d-yerzan seg tamiwin n lwilaya n Tizi Uzzu. Ɣef 8h00 n ssbeḥ, tella-d tazla n yimdanen yesɛan lehlak n wallaɣ, ɣef teɣzi n kra n yiklumiṭren kan. Bdan tazla seg ladayra n Larbaa Nath Irathen, armi wwḍen ɣer umraḥ n Abane Ramdane. Ma ɣef 9h00, tella tazla s ssenf n uzgen umaraṭun, i d-yellan ɣef teɣzi n 17 d uzgen n yiklumiṭren. Tebda tazla-agi, seg Agueoune Izem, tekfa deg umraḥ n Abane Ramdane. Tazla-a taneggarut, ttekkin deg-s ddeqs n yinaddalen, gar tlawin d yirgazen. Ma d leɛmer n yinaddalen yemgarad, bdu-tt-id seg yilmeẓyen wat 18 n yiseggasen armi d irgazen neɣ tilawin iɛeddan i 40 n yiseggasen. Uqbel ad yezgen wass, i d-tella tesfugla n taggara deg umraḥ n Abane Ramdane. Tella-d deg-s tukci n warrazen i wid i d-yufranen deg snat n temsizzliyin-agi n tazla, am wakken i fkan daɣen igerdasen n usebɣes i yimekkiyen-nni-nniḍen. Ad d-nesmekti belli, d leqdic i d-suddsen ddeqes n yidisan, gar-asen; Agraw Anaddal aɣrab (amateur) Olympic n Larbaa Nath Irathen, Aseqqamu aɣerfan aɣiwan n L.N.I, Tanmehla n yilmeẓyen d waddal n Tizi Uzzu…atg.
Adaoun Abdelghani