Assn-nni n lexmis, 18 deg waggur-agi n maggu ideg nella, i ffɣen yiɛeggalen n Waggur azeggaɣ azzayri n tama n Ait Aissa Mimoun ɣer wakal n ladayra n Ouagenoune, i wakken ad d-jemɛen idrimen. Idrime swayes ara izmiren ad xedmen ṭṭhara i yigerdan akk inxessen deg tɣiwant-agi. Yal tassbḥit, s unecreḥ d lebɣi n temsetla i tteffɣen d igrawen yiɛeggalen n tuddsa-agi, kra ad d-zzin i tɣiwant-agi-nsen, ma d wiyaḍ ad rzun ɣer snat n tɣiwanin tijiratin; Ouagenoun akked Makouda. Lḥemla-agi, tella-d s uzwel-agi. “Ɛiwnet-aɣ, i wakken ad nizmir ad nɛiwen”. Ma d ajerred n yigerdan inxessen, iwumi bɣan yimawlan-nsen ad asen-d-ḍehren, ilaq fell-asen ad ten-jerrden deg wumuɣ n ṭṭhara, deg uxxam n Waggur azeggaɣ azzayri, yellan deg Aourir. Ajerred-agi, yebda ass-nni n ttlata 15 maggu 2018, ad yekfu ass larebɛa 30 maggu 2018. Ma d ṭṭhara n yigerdan-agi, ad d-tili ass n 27 deg waggur n Remḍan, ara d-yilin ass letnayen 11 yunyu 2018.
Adaoun Abdelghani