Accueil Tamazight Asmekti n tmettant n Meɛtub di Paris

Fransa : Asmekti n tmettant n Meɛtub di Paris

997
- PUBLICITÉ -

Tettheggi-d Massa Nadiya Meɛtub akked Tddukkla Meɛtub Lwennas Takatut d Usiweḍ yiwen n usihar d ameqqran, ara yilin d tajmilt i unaẓur i yettwanɣan 20 n yiseggasen tura ɣer deffir. S uzwel n « Lwennas Meɛtub, taɣect n tlelli », i lmend n umulli wis 20 n tmettant-is, ad kkin deg uneḍruy-a n usmekti d tejmilt aṭas n wudmawen n tezlit tazwawt, gar-asen Malika Dumran, Uleḥlu, Tenna, Lwiza d wiyaḍ. Am wakken ara yilint kra n tmuffirin deg wahil, ɣef wakken i d-nnan yimheggiyen deg tiɣri n uberreḥ. Ma yella d azemz n ttiɛad, yetturaǧu i wass n sem 22 deg yunyu ɣef 19:00, deg Bataclan. Yezga-d umḍiq-a deg 50 boulevard Voltaire, 75011 Paris. Ayen yerzan ttawil n tumnayt, i win yebɣan ad yerzu, yella ama s umiṭru neɣ s usakac, am wid n Oberkampf d uparking n Alhambra. Ad d-nesmekti d akken tigawt-a i d-tessudes tddukkla Meɛtub Lwennas Takatut d Usiweḍ aql-itt gar tmezwura segmi d-tennulfa deg yennayer iɛeddan.

- PUBLICITÉ -

M. K.

- PUBLICITÉ -