Accueil Tamazight Timlilit taseklant n mass Ahmed Djenadi

Smaoun : Timlilit taseklant n mass Ahmed Djenadi

776
- PUBLICITÉ -

Ass-nni n lǧemɛa 18 maggu 2018, yella-d wammas adelsan n Smaoun deg ttiɛad n usuddes n yiwet n temlilit taseklant s wazal-is akked Mass Ahmed Djenadi imsuffeɣ n ssinima. D asarag ideg i d-yewwi awal s telqeyt ɣef wayen yerzan ssinima amaziɣ s umata d tin n teqbaylit s wuzzig. Lewhi n 21h00 n yiḍ, tazeqqa teččur, tasussmi ters-d ɣer lqaɛa. Imir yebda bab n usarag awal-is ɣef usentel-agi: “Ssinima n teqbaylit, gar tamaɣant akked tmeẓriwt”. Imselay-d deg-s Mass Djenadi, ɣef teɣzi n uzgen n ssaɛa ɣef yisurifen imenza i d-tewwi ssinma s teqbaylit, d wanda tewweḍ deg tizi n wass-a. Ihder-d diɣ ɣef umecwar d tegnatin ideg i d-tɛedda deg umezruy-is, am wakken daɣen i d-imeslay ɣef tɣara n ssinma n teqbaylit, i yellan gar cwiṭ d waṭas. Mi yessuli awal-is, yella-d uskasi s yisteqsiyen d tririt. Ma ɣef lewhi n 22h00 n yiḍ, yella usenɛet n usaru-agi n teqbaylit “Wwin-t, wwin-t”, ɣef teɣzi n ssaɛa d uzgen, syin yella i tikkelt-nniḍen uskasi, acu kan tikkelt-a ɣef usaru-agi. Ad nesmekti kan belli, asaru-agi “Wwin-t, wwin-t” d netta i d amsuffeɣ-ines.

- PUBLICITÉ -

Ghani Amazigh

- PUBLICITÉ -