Par DDK | 11 Juin 2018 | 553 lecture(s)

Asekcem n lehyuf ɣer tmurt

Sebɛa n yiqenṭaren n «cocaïne» i d-ikecmen

Imsenza n tɣawsiwin yettwamenɛen, simmal ssnernayen deg tḥiliwin-nsen i wakken ad sɣerqen agdud azzayri, ladɣa ilmeẓyen.

Yal tikkelt, ma mačči yal ass, d isallen unṣiben i d-yettawḍen ɣef wakken iɣallen n laman s wudmawen-is yemxallafen, rran talast i terbbaɛ i d-yessekcamen lkif neɣ « le canabis ». Nwulef akka nsell, nettwali deg tiliẓri imdanen-nni yettwaṭṭfen ladɣa tama n umalu n tmurt d wayen i d-skecmen. Maca, tikkelt-a, isalli yufrar akk ɣef wid i iɛeddan. Lbabur Vega Mercury, i d-yekkan seg tama n Marikan Talatinit, yerna yeḥbes deg Valence i wakken ad d-yaweḍ ass n 26 di maggu yezrin, yella yettraǧu ttriḥ i wakken ad ireṣṣu deg Wehran. Tlata wussan n uraǧu, yessaweḍ ad ireṣṣu mi akken iserdasen n tama tis 2 akked yiǧadarimyen n twilayt-a, nudan-t akk i wakken ad d-ssukksen seg-s tarzeft-nni i d-yewwi. Ufan azal n 701 n kilu n cocaine tin akken ikeblen gar uksum igersen. D taxezzabit tameqqrant i yettwandin i usekcem n tedrimt tameqqrant, imi i tikkelt tamezwarut ara d-yili waya mbeɛd tadyant n useggas n 2015, dima deg Wehran, anda iseggaden n yiselman ufan sin yisendyaq n cocaine deg-sen azal n 80 n kilu. Maca, tadyant yecban ta, urǧin i d-teḍri. Ayen yeǧǧan izzayriyen yekcem-iten uɣbel d tugdi ɣef tarwa-nsen mi ara yawḍen lehyuf yecban wigi, keččmen-d s yiqenṭaren. Akka tura, imi anadi ɣef wid yellan deffir taluft yetteddu, isteqsiyen ggten, ṭṭuqten acku tamagit n wid i tt-ixedmen ur tezmir ad tili d imdanen n menwala. Akken i neqqar : lexbar ad t-id-yerr yiflew !
M. Smail

0