Par DDK | 18 Juin 2018 | 508 lecture(s)

DRAÂ BEN KHEDDA - Asenfer n 100 n tnezduɣin LPA n yineɣmasen

Yeggra-d deg yir liḥala

Sdat n uneḥbus n usenfar n 100 n tnezduɣin LPA n tɣiwant n Draa Ben Khedda, ugar n useggas aya, yeggra-d usenfar deg yir liḥala s sebba n yigefran i d-yewwten s ṭaqqa deg wagguren iɛeddan. Yegla-d s lexsarat timeqqranin usetehzi d yir aselḥu n yisenfaren yetabaɛen i uwanak. Dɣa, tawaɣit tḥuza tuget n tnezduɣin yekfan yakan, ladɣa ajeyyer n leḥyuḍ, twiqan akked tewwura i d-iqelɛen akk. Deg liḥala yecban tagi, wid teɛna temsalt, ama d OPGI n Tizi Uzzu, Imḍebber n tkkebanit i d-yelhan s lebni n usenfar-agi, neɣ d tiddukkla n yineɣmasen d yimceyyɛen n tɣamsa taɣelnawt , xedmen lḥir i tifrat n uɣbel n usenfar-agi i d-yegran deg yir liḥala. Ad d-nesmekti kan d akken aɣbel yebda seld win n lexṣas n tedrimt n uwanak i iɛeggben tuget n yisenfaren deg rebɛa n tɣummar n tmurt n Lezzayer. Imḍebber n tkebbanit n lebni yeqsed ad ikemmel asenfar-agi seld lexlas n tuget n tedrimt yettalas i OPGI n TiziUzzu. Asenfar, yettuɛegnen ad yettunefk deg taggara n useggas iɛeddan 2017, meɛna deg teswiɛt yecban tagi, ha-t-an ad iḍul, ur d-yettili ara deg ttiɛad-ines. Cudden yiɣeblan ɣer leɣsas n tedrimt deg yisenfaren n lebni i iɛumen taggara-agi deg ugerzu n Tizi Uzzu. Dɣa tuget n tkebbaniyin yerkeb-itent lɣiḍ meqqren ɣef waya. Kra n tkebbaniyit unfent i yisenfaren-nnsent i lebdda.
Ali Zalouk

0