Accueil Tamazight Llant-d kra n twaɣiyin di Remḍan-a

Bgayet : Llant-d kra n twaɣiyin di Remḍan-a

633
- PUBLICITÉ -

Yewweḍ-aɣ-d ussan kan yiwen n wulɣu seg ssrabes n Uḥuddu aɣarim (Protection civile) n Bgayet, ideg i d-wwin talɣut ɣef leḥsab n yisehwa (accidents) i d-yellan segmi yebda Remḍan armi d tazwara n ddurt yezrin. Imi, deg kraḍ n wussan llan-d 4 n yimattanen deg kraḍ n yisehwa. Yella-d usehwu amezwaru kra n ddeqqayeq kan send afḍar, ass n amhad 07/06/2018. Amkan d abrid aɣelnaw wis 26, meqrub taɣsert n yiqeddicen n Uzellagen. Ideg i d-yella umyeẓdam gar usakac (bus) d umuṭu. 15 n yiminigen i tuɣ deg usakac-nni acemma ur ten-yuɣ, ma d sin n yilemẓiyen i yellan deg umuṭu suffɣen iẓiɣer deg wadeg-nni. Asehwu wis sin, yella-d deg ubrid n tmacint ass n 8 deg yunyu-a, ɣef ttnac n uzal, deg wadeg iwumu ssawalen « Idekkaren », taɣiwant n Tmezrit. Dinna, d ilemẓi bu 30 n yiseggasen i yettwaddehmen s tmacint n usiweḍ n medden, deg yizirig n At Mensur–Bgayet. Ma yella d asehwu-nniḍen, wis kraḍ, yeḍra-d azekka-tuyen 9 deg yunyu, deg ubrid n tmacint daɣen. Tikkelt-a, deg tɣiwant n Semɛun, yettwaḥuza s tmacint n usiweḍ n medden umɣar bu 65 n yiseggasen, yemmut deg ubrid mi t-wwin ɣer sbiṭar. I telɣut kan, segmi yebda wayyur n remḍan armi d ass-is wis 24, jerrden ssrabes n Uḥuddu aɣarim 91 n yisehwa, i d-yessegran s 4 n yimattanen d 103 n yimejraḥ . Ma nemmeslay-d ɣef remḍan n yilindi, seg 27 maggu ar 25 yunyu 2017, ḍran-d 134 n yisehwa, s 4 n yimattanen d 199 n yimejraḥ. S userwes gar useggas-a d yilindi, seg umenzu n yennayer 2018 armi d 9 yunyu 2018, ttwajerrden 635 n yisehwa, s 13 n yimattanen d 711 n yimejraḥ. Ma yella deg 2017, seg yennayer armi d taggara n yunyu, ttwaskelsen 836 n yisehwa, s 28 n yimattanen d 999 n yimejraḥ Seg waya, ad d-nesmekti belli ala aḥader i izemren ad yeḍmen talwit d tɣellist i unehhar deg yiberdan. Rnu ɣer-s, aqader akken i d-yewwi lḥal n wangal n ubrid. D ayen iɣef i d-ssawalen ssrabes n Uḥuddu aɣarim.

- PUBLICITÉ -

M. K.

- PUBLICITÉ -