Accueil Tamazight Ilit di ttiɛad gar 24 d 25 ɣuct 2018

Lemsella - Aheggi i tezrigt tis 11 n tmeɣra n tbexsisin : Ilit di ttiɛad gar 24 d 25 ɣuct 2018

1035
- PUBLICITÉ -

Yebda yakan uheggi n tezrigt tis mrawet d yiwet (11) n tmeɣra n tbexsisn, i d-tessuddus yal aseggas tddukkla Tiɣilt n taddart n Lemṣella deg Buzgan. Tazrigt n usegga-agi, ad d-tili ussan n 24 d 25 ɣuct 2018, ddima deg taddart-agi n Lemṣella, yettwassnen mliḥ s tneqlin. Imsuddsen n leqdic-agi, fernen tanfalit-agi “Tibexsisin di tmeɣra, d afran igerrzen”, i wakken ad yili d asentel n tezrigt-agi tamaynut. Yetturaǧu deg tezrigt n useggas-a, ad yili wahil d anesbaɣur, ama si tama n yirmad idelsanen ama si tama n temsikniyin. Aṭas n yimsikniyen ara yilin di ttiɛad, gar-asen wid n tqendurt, wid n usɣar, wid n tamemt…atg, ɣer tama n Wat taddart-agi. Am wakken daɣen i yetturaǧu ad d-yili wawal s telqeyt ɣef yibaɣuren n lbexsis ɣef tezmert n umdan. D tagnit i yimerriyen i wakken ad d-issinen taddart n Lemṣella i icebḥen aṭas. Am wakken daɣen ara d-walin ayen tekseb d agerruj, gar-asen leṣnaf yemxalafen n lexrif. D tagnit daɣen i wid yebɣan ad d-yaɣ lbexsis aẓidan s leṣnaf-is yemgaraden. D leqdic adelsan ara d-suddsen waṭas n yidisan, ad d-nebder gar-asen: Tiddukkla tadelsant Tiɣilt n taddart n Lemṣella akked tesqamut n taddart-agi, Asqamu aɣerfan aɣiwan (APC) n Yilula Umalu, Asqamu aɣerfan n lwilaya n Tizi Uzzu, s tallelt n tenmehla n yidles n Tizi Uzzu.

- PUBLICITÉ -

A. A

- PUBLICITÉ -