Aṭas n yisenfaren i yettwajerrden, taggara-a, deg tɣiwant n Amizur, i yeggugen s wazal n 25 n yikilumitren seg waɣir n Bgayet. Ddeqs seg yisenfaren i yebdan yakan, ttwaṭṭfen sɣur termisin i asen-izemren, tban-d daɣ tfada (ddili) n keffu-nsen. Wiyaḍ qrib ad bdun neɣ teffeɣ-d tiɣri i tuṭṭfa i ten-yeɛnan. Dɣa, ɣef wulɣuyen i d-tessufuɣ i wat termisin, i buhan n yisenfaren, ddeqs i d-yellan taggara-a deg tɣiwant-a, am tiɣri i uqeɛɛed n ubrid yettawin ɣer Taddart Tameqqrant akked tiɣri i tuṭṭfa n usenfar yerzan tiɣin n kra n wallalen. Deg-sent yewwi-d ulɣu akk tilɣa i yeɛnan asenfar, akked tewtilin ilaqen akken ad yezmir bab n termist ad yesres akaram-is deg tɣiwant ussan-a. D ayen iɣef ɛewwlen yimḍebbren n tɣiwant-a iɣef i d-nemmeslay, imi ula d imezdaɣ n temnaḍt-nni yeṭṭef-iten lḥir ayendin, seg waṭas-aya, melmi ara d-lalen yisenfaren i ttganin. Ihi, usan-d yisenfaren-a ad d-awin ugar n tneflit ɣer sdat i tɣiwant-a icebḥen. Ilaq ad d-nemmeslay ɣef uḥric n teywalt d usiweḍ n telɣut i ijehden ayendin deg tɣiwant-a n Amizur, imi ugar n wadeg internet i tesɛa, tesnulfa-d daɣ asebter deg uẓeṭṭa n facebook akken ad tili teqreb ugar i yiɣermanen-is.
M. K.