Par DDK | 25 Juin 2018 | 657 lecture(s)

Ayt Idris

Tiwiziwin sɣur tddukkla Tadukkli

Thegga-d ddurt yezrin tddukkli Tadukkli n taddart n Ayt Idris ahil s wazal-is i usizdeg d usebhu n kra n yizergan d yimeḍqan di temnaḍt-nni. Seld tiɣri d-tefka i yilemẓiyen d yimezdaɣ, abeɛda deg uẓeṭṭa inmetti, ddeqs i yegren imanen-nsen di terbaɛt i twizi-a n tukksa n yilefḍan d wammus. Ɣas ma yella ur ṭṭuqqten lecɣal-a dinna, neɣ ur ten-nnumen yilemẓiyen, maca gerrzen-ten wid akk yekkin. Mi kfan dayen ccɣel, merra iɛeggalen n tddukkla snemmren wid i d-yegren afus, kkin deg tigawt-a yelhan. Ad d-nesmekti kan belli send armud-a n usizdeg, tella-d tessudes-d tddukkla-a aṭas n wahilen deg teɣzi n kraḍ n wayyuren, d akud yezrin segmi d-tennulfa. Yiwen n warmud d tiɣin n kra n dduzan, am ṭṭwabel d yikersiyen, i lfayda n yimezdaɣ n taddart n Ayt Idris, ladɣa iẓawaliyen seg-sen, ur nezmir ad d-slezmen imanen-nsen ma yella-d lferḥ neɣ d lqerḥ. Ttiɛad-nniḍen d tuffɣa ɣer Ugelmim aberkan, i d-yezgan deg Ukeffadu. Taggara-a daɣen thegga-d yiwet n tberza (touroi) n ddabex n uḍar gar yiderma n taddart-nni. Ɣer taggara, fkan yimheggiyen arraz i terbaɛt irebḥen, rnan fkan i umurar ifazzen d uɛessas ifazzen. Ugar n waya, ad theggi tddukkla-a ass-a, 25 yunyu, yiwet n tejmilt d tameqqrant i unaẓur Lwennas Meɛtub. Ula d tirza s aẓekka-s deg Tewrirt Musa, tella deg wahil-nsen i wass-a, 25 yunyu.

Kaisa Khalifi

0