Par DDK | 25 Juin 2018 | 616 lecture(s)

Tiddukkla n twennadt Gourara

«Ala i uplastik di twennadt !»

Xas ulamma ẓran yimdanen lemḍarat swayes i d-igellu uculliḍ n uplastik, ama ɣef twennadt ama ɣef tezmart n umdan, ladɣa bu tiɣmi taberkant , maca ad t-naf yettwaḍeggar di yal amkan. Aya,i icemmet tugna n twennadt di tmurt. Yesluɣuy uma d aman. D tawaɣit i yiselman d wayen akk yettidiren daxel n waman-a. Ilaq ad neḥsu d akken, ur ttruḥun ara s shala yculliḍen n uplastik si twennaṭ.Ttɣiman azal n 100 n yiseggasen. Ula d tazmert n umdan, tettili deg umuhi (danger). Amedya, mi ara tuɣal tgella yeḥman deg uculliḍ-a. Akken nezra, allalen-nni s wayes yettwaxdem uculliḍ-nni, ur nelhi ara. Ihi, ad d-glun s lemḍarrat ɣef tgella-nni. Syin, ad tt-yečč umdan mebla ma ifaq s wanect-a. Ɣef wanect-a, dɣa, i d-ttwaxlaqen aṭas n tddukkliwin deg taggara-a di tmurt. Ad nebdar tiddukkla n Gourara n taddart n Triḥant di tɣiwant n Bujimeɛ. Tiddukkla-a, tefka azal ameqqran i usentel-a: texdem yiwen n wahil i tebda deg useggas n 2013. Deg yiseggasen-a, ssawḍen akken ad jemɛen azal n ṭun n uplastik, i yettwaɛawden asexdem. Akken daɣen i xedmen imekwan i iḍuman di taddart, akken imezdaɣ ur ttdeggiren ara iḍuman-nsen deg twennadt. Zyada ɣef waya, thegga-d tddukkla-a, s lemɛawna n yiwet n termist, di tɣiwant n Tigzirt, ajmaɛ n uplastik. Gar yiswiyen n tddukkla n twennadt Gourara d asuzer txeddem akken at zuzerakke useɛlem n yimdanen s lemḍarrat i d-igellu uplastik, ama ɣef twennadt , neɣ ɣef tezmart n umdan , aɣersiw akked imɣan.
Yamani Souhila

0