Par DDK | 9 Juillet 2018 | 902 lecture(s)

Tarrayt tamaynut deg uselmed

Ad tili deg useggas aɣurbiz i d-iteddun

deg yiwen unejmuɛ i d-yeḍran ddurt iɛedan di tmanaɣt akked tɣamsa , ibarreḥ-d umaṣwaḍ amatu n usegmi Mass Nedjadi Mseguem , d akken ad tili yiwet n tarrayt tamaynut deg uselmed deg uswir amenzu. Yenna-d d akken iswi n tarrayt-agi d asejhed n uswir n yinelmaden. Ɣef waya, ad xedmen yiselmaden yiwen n usuliɣ anda ara d-lemden amek ara seddun tangiwin-a s tarrayt-agi tamaynut . Akken daɣen i d-nnan belli igemmaḍ n yikayaden ineggura, ama wid n uswir amenzu neɣ n uswir alemmas, ulin ɣef wid n yiseggasen iɛeddan. Ma yella deg uswir n tesnawit, yenna-d akken akud n yikayaden ad ttwabeddlen: llan sɛeddayen yinelmaden di 4 n ussan, ad uɣal ɣer 2 n wussan d uzgen, deg useggas aɣurbiz i d-iteddun. Ma yella d ikayaden n 5 n wussan, ad uɣalen ɣer 3 n wussan d uzgen. "Anect-a, lmeɛna-s ad yettwasenqes wakud akked tangiwin, acu kan, mačči d asɛeddi ur sɛeddayen ara tangiwin-nniḍen’’. Aberreḥ-a, yesekker-d herwel deg yiẓeḍwa n internet, imi yeffeɣ wawal d akken d tutlayt n trumit akked teglizit ara yettwaksen. Syin wid yessexd amen iẓedwa-agi, begnen-d lɣiḍ-nsen ɣef leṛyuy-a. Itezzi usenqen-nsen gar tutlayin d wayen yelhan i yinelmaden. Qqaren-d:’’ Ayɣer ur d-ttilint ara tutlayin-nniḍen, d tutlayt n teknulujit’’. Gar wa d win, yal yiwen akken i d-yenna, meɛna rray aneggaru, ad yuɣal i wid yellan deg tneɣlaft n ttrebga . Akken daɣen i d-yenna belli, ad tettekki tezmilt n n uztazal di leḥsab n tezmilt n ukayad n BAC .
Yamani Souhila

0