Par DDK | 9 Juillet 2018 | 1144 lecture(s)

TIZI UZZU - Zelgen yiguduyen s trawnaṭ udmawen n temdinin

Timetti mgal tawennaṭ d ugama ?

Deg yiseggasen-agi ineggura, ɛummen yiguduyen s trawnaṭ s waṭas deg tuget n tɣiwanin n ugerzu n Tizi Uzzu, dayen i izelgen udmawen n temdinin.

Ɣas ma yella-d lḥir meqqren ɣer n yimḍebbren n tddukliwin i yesseḥbibiren ɣef twennaṭ akked kra n yimḍebbren n srabes n tezdeg , i tifrat n uɣbel n yiguduyen s trawnat i icemten udmawen n temdinin, ladɣa tiɣemmar n yiberdan imeqqranen yeffɣen ɣef temdinin, maca aɣbel dima yezga. Dɣa llan kra n yimeḍqan anda ṭṭuqten yiguduyen-agi, ladɣa ayen yeɛnan iberdan i icudden tiɣiwanin ɣer tiyaḍ, anda ṭṭuqtent tḥuna n tenzzuyt n yiɣisem ( boissons alcoolique). Ayen uɣur tccud lwelha s waṭas, d yir udem uɣur tewweḍ dɣa tlemmast n ugerzu n Tizi Uzu, ttwaḍeggren yiḍuman deg yal tiɣmert. S imal ttcektin yimezdaɣ s taluf n rriḥa i dixelqen igunsan yemxalafen ( namus d tizit). Amedya n temdint tamaynut, dɣa ula deg tesdawit n Ḥasnawa, yezga uɣbel n yiguduyen. Deg ubrid icudden taɣiwant n Mɛatqa ɣer tɣiwant n Umecras, ad naf aɣbel n yiguduyen s trawnaṭ s imal yettnarni, dɣa rrif n ugudu n baylek i iɣelqen acḥal-aya, sya d iḍumman n yixxamen, sya d iḍuman n iɣisem, ula d iceqfan n yixxamen yettwahudden, ḍḍlan deg yal tiɣmart. Yal tiɣmart n ubrid, teḍla s iḍumman, d ayen i d-yessegrayen yir rriḥa, zyada ɣef tzelgi n wudem n ubrid d timdinin i as-d-yezzin. Tegguni lmut agama, agddud yenfa taɣerma, d awal kan mebla lmeɛna, yal yiwen yeɛmed neɣ ittekka. Deg ubrid icudden tiɣiwanin n Boghni, Draa El Mizan, taɣiwant n Maatkas, Draa Ben Khedda, Boumehni, yettwazleg s yiguduyen s wartaṭ, yal amḍiq yeččur d iḍuman d iceqfan. Taluft-a, teɛna yakk timdinin n ugerzu n Tizi Uzzu. Dɣa deg tirza-nneɣ ɣer tɣiwant n At Zmanzen, nufa iberdan deg yir addad, ladɣa deg yimeḍqan anda tuqtent tḥuna n tenzzuyt n iɣisem. Aɣbel, iḥuza ula d iberdan imeqqran n ugerzu, am ubrid icudden agerzu ɣer tɣiwanin n Freḥa, Azeffun, Tigzirt, Azazga, ula d imsebriden, zkan deg twaɣit, imi ula d nutni tḍeggiren iḍuman-nsen mebla aḥezzeb. S wudem amatu, aɣbel yeɛna yal timdinin, ama deg tlemmast n temdint neɣ deg yibardan yeffɣen i temdint. Agama d twanaṭ, d timsal tigejdanin uɣur tcudd tudert n umdan, yewwi-d ɣef yal yiwen, ad yesseḥebiber fell-asent. Ɣas ma kra n tikliwin deg wallaɣen n yimdanen, maca ass-a, yewwi-d ad nɛawed tamuɣli i lfayda n talsa d tdawsa n umdan yettidiren deg ugama d twennaṭ. Deg tɣamsa neɣ ɣef yiles n tddukkliwin yesseḥbibiren ɣef twennaṭ, yezga wawal ɣef yiguduyen-agi, acḥal d aseggas-aya. Ar melmi ad neg tismin i wakken ad naweḍ tiniga-nneɣ deg umaḍal.
Ali Zalouk

0