Accueil Tamazight Snuzun isufar n tuččit ixesren

Tizi Uzzu - Tiḥuna n tenzuyt mebla tanuggit : Snuzun isufar n tuččit ixesren

1172
- PUBLICITÉ -

Ɣas ma deg wussan ineggura sḥarsen srabes n uswaḍ n lexdma n tenzuytd d srabes n useḥbiber ɣef umsider (consommateur) d tnemehla n tenzuyt ɣef lemḍarra iseg d-gellun yisufar n tuččit ixesren, ɣef tdawsa n umdan, ladɣa isufar n uyefki d yisuddim-is deg tallit-agi unebddu. Icudd lewhi deg tazwara ɣer tenzuyt yeffɣen i usaḍuf. Deg wakud anda tiseddarin n lḥamu ttɛeddint tikwal akin i 40, ad naf ttwafesren yisufar n tuččit i uɣebbar d yitij, deg leryuf n yibarden akked leswaq yemgaraden, yecban timellalin, iselman akked yisuddimen n uyefki. Isufar-agi i iḥuza yiṭij d uɣebbar, xesren sɛan aṭas n usemdu (effet) ɣef tdawsa n umdan ɣef leḥsab n yimusnawen n tdawsa. S lexsaṣ n tmussni d uwelleh, ttaɣen yimdanen mebla ma ḥsan s yinalkamen n yisufar-agi ɣef tdawsa-nsen, wa iɛemmed, wa ittekka. Aɣbel, yeɛna ula d tiḥuna n tenzuyt, imḍebren n tḥuna ur sɛin ara yal tanuggit ( conscience). Deg kra n tḥuna n tudrin n temḍiqt n Leqbayel, llan yisufer n tuččit yemuffgen (périmés) acḥal-aya mazal-iten deg tḥuna, ttwafesren i tenzuyt. Deg yiwet n tḥanut n taddart n A Zɛim, yettabaɛen ɣer tɣiwant n Mɛatqa iɣur nekcem, nerra tamawt i kra n yisufar n tuččit, dɣa nufa tiqraɛtin n lgazuz iwumi tekfa tallit n usadur deg useggas n 2017. Isufar isuddimen n uyefki, xesren ugar n 5 n wagguren deg umsismeḍ, ṭumatic n tebwadt yemmuten ugar n sin 2 n yiseggasen mazal ar ass-a tettwafser. Ayen yugaren yakk tigi, ɣef leḥsab n kra n yimsidren, d akken imɛelmen n tḥuna n tenzuyt sexsayen i frigidiren deg yiḍ, i wakken ur ttxelisen ara aṭas n trisiti, mebla ma ḥṣan s twaɣiyin i seg ara d-glunt tigawin yecban tigi ɣef tdawsa n umsidren. Akka i d addad deg tuget n tɣiwanin n ugerzu n Tizi Uzzu, imɛalmen n tḥuna n tenzuyt ur tqadaren ara ilugan n tezdeg d lemḥadra n umsidrem, aya dayen i d-wekkden srabes n tenmehla n tenzuyt n Tizi Uzzu.

- PUBLICITÉ -

Ali Zalouk

- PUBLICITÉ -