Par DDK | 16 Juillet 2018 | 823 lecture(s)

Tizi Uzzu

I wacuɣer i d-yettili ugdal n tira deg tmetti taqbaylit ?

Yiwet gar turdas i ireṣsan iman-is deg tussniwin yemgaraden, ladɣa deg tussna n umdan d tussna n tmetti i iccuden ɣer yimussnawen n tmurt n Fransa, d turda yeɛnan agḍal (absence) n tira deg timetti taqbaylit. Timetti taqbaylit, teccud kan ɣer wansay n timawit, ur tesɛi ara anagraw n tira. Ɣef laḥsab n kra n yimussnawen n tmurt n Lezzayer i d-yelhan s tussna n umdan n umaḍal amazigh aya ‘’ D azarafyat n umesdurnay (préjugé colonial)’’. Deg yimagraden, isaragen akked temliliyin yemgaraden, iger-d Mass Hadibi Mohand Akli tamawt i uɛawed n tmuɣli ɣef turda (tikti) n ugḍal n tira deg tmetti taqbaylit. Ɣef leḥsab-is, llant aṭas n tmusswin yettwarun deg tmetti taqbaylit, i ḥerzen yisalmaden (institutions) idiganen n temḍiqt n Leqbayel. Timharsiwin yemgaraden ɣef Tefriqt ugafa, mḥant azar n tussniwin yuran. Aya yeḍra-d s tmarɣiwt n temkarḍiwin, s tmenɣiwt n yimussnawen, d waṭas n twaɣiyin i smarsen mgal tussna d tira. Yenna : ‘’ Gar isalmaden igejdanen i iḥerzen tussniwin yettwarurn, ad naf Zawya yesɛan afud meqqren deg ufaras ( production) n tussniwin d usileɣ n yimussnawen. Rnu ɣef waya, ad naf asalmad n Habous yeseḥbibiren ɣef tussniwin yuran seg yal akud, maca amesdurnay yemḥa lejerra n tussniwin yuran d isalmaden yeseḥbibiren fell-asent’’.

Ali Zalouk

0