Par DDK | 16 Juillet 2018 | 828 lecture(s)

MAÂTKAS - Taddart n At Zɛim deg tasnilt

Yenɣa iman-is yiwen n umdan

Deg ddurt iɛddan, yiwen n umdan (G.A.), yesɛan rebɛin n yiseggasen deg leɛmer-is, n taddart n At Zɛim, yettabaɛen ɣer tɣiwant n Mɛatqa, yenɣa iman-is s tmuxniqt. Teḍra tedyant deg wass-nni n letniyen iɛeddan deg ugerzu n Tamanrasset, anda i ixeddem. Yekker-d tasebḥit, yexddem armi d imekli. Ixeddamen n tkebbanit, yal yiwen iruḥ ad yečč imekli deg texxamt-is, seld tuɣalin-nsen ɣer uxeddim, llan akk ala (G.A.), dɣa nudan fell-as deg texxamt-is anda i t-ufan yettwaɛellleq deg tlemmast n texxamt-is. Tegla-d twaɣit-a s leḥzen meqqren deg twacult n yinɣiman (suicidé) d imezdaɣ n taddart n At Zɛim, i idduben seg twaɣiyin yecban tigi deg tɛecret-agi taneggarut. Dɣa deg taddart-agi, ugar n 7 n yimdanen i yenɣan imanen-sen deg yiseggasen-agi ineggura. Taluft n yinɣiman (suicide) s imal tettnerni deg yiseggasen-agi inegura, deg temḍiqt n Leqbayel, ladɣa deg kra n tɣiwanin n unẓul n ugerzu n Tizi Uzzu. Akka ara naf taɣiwant n Mɛatqa gar tɣiwanin timezwura deg umḍan n yinɣiman. Ɣas ma taluft n yinɣiman teɛna yakk timura n umaḍal, meɛna imḍebren n tmura i d-yufraren sɛan lḥir meqqren deg unadi ɣef tifrat neɣ asenqes deg taluft, maca deg tmurt n Lezzayer taluft tuɣ izuran. Imḍebren ur d-lhin ara deg-s akken iwata.

Ali Zalouk

0